സ്വവർഗ്ഗ പങ്കാളിയെ കൊലപ്പെടുത്തി യുവാവ് ആത്മഹത്യ ചെയ്തു

ചെന്നൈ: തമിഴ്‌നാട്ടിൽ സ്വവർഗ്ഗ പങ്കാളിയെ കൊലപ്പെടുത്തി യുവാവ് ആത്മഹത്യ ചെയ്തു. അമ്പത്തൂർ സ്വദേശിയായ വഞ്ചിനാഥൻ എന്ന യുവാവാണ് അമിഞ്ചിക്കര സ്വദേശി ലോകേഷിനെ (25) കൊലപ്പെടുത്തി ആത്മഹത്യ ചെയ്തത്. പുരുഷന്മാർക്കായുള്ള ഒരു ഓൺലൈൻ ഡേറ്റിംഗ് പോർട്ടലിലൂടെ അവർ കണ്ടുമുട്ടിയത്. ഒരു വർഷത്തിലേറെയായി അവർ ബന്ധത്തിലായിരുന്നു. അതിനിടയിൽ ബന്ധത്തെ കുറിച്ചറിഞ്ഞ ലോകേഷിന്റെ കുടുംബം ഒരു പെൺകുട്ടിയുമായി വിവാഹം നിശ്ചയിച്ചു. ഇതോടെ ലോകേഷ് വഞ്ചിനാഥുമായി അകന്നതായി മുതിർന്ന പോലീസ് ഇദ്യോഗസ്ഥൻ പറഞ്ഞു.

ചൊവ്വാഴ്‌ച്ച വൈകുന്നേരത്തോടെ വീട്ടിലെത്തേണ്ട ലോകേഷ് രാത്രി 11.30 ആയിട്ടും തിരിച്ചെത്തിയില്ല. മൊബൈൽ ഫോൺ സ്വിച്ച് ഓഫ് ആയതോടെ മാതാപിതാക്കൾ അമിഞ്ചിക്കര പോലീസ് സ്റ്റേഷനിൽ പരാതി നൽകി. ഇതിനിടയിൽ വഞ്ചിനാഥനെ കാണാതെ മാതാപിതാക്കളും തിരച്ചിൽ ആരംഭിച്ചു. ലോകേഷിന്റെ കുടുംബവുമായി ബന്ധപ്പെടുകയും ചെയ്തു. ഈ സമയത്താണ് വഞ്ചിനാഥന്റെ സഹോദരിക്ക് ജീവിതം അവസാനിപ്പിക്കാൻ തീരുമാനിച്ചതായി ഒരു വോയ്സ് മേസേജ് ലഭിച്ചത്.

ഇവരുടെ മൊബൈൽ ടവർ ലൊക്കേഷൻ കേന്ദ്രീകരിച്ച് നടത്തിയ പരിശോധനയിൽ മൊഗപ്പയർ വെസ്റ്റിലെ ലോഡ്ജിൽ നിന്നും മൃതദേഹങ്ങൾ കണ്ടെത്തി. ലോകേഷ് ഒരു കോൾ സെന്ററിലും വഞ്ചിനാഥൻ തൊറൈപ്പാക്കത്തെ സ്വകാര്യ കമ്പനിയിൽ സോഫ്റ്റ്വെയർ എഞ്ചിനീയറായും ജോലി ചെയ്തു വരികയായിരുന്നു. കഴിഞ്ഞ രണ്ടാഴ്ചയായി അവർ ഫോണിൽ വഴക്കിട്ടിരുന്നുവെന്നും, ബന്ധത്തിൽ നിന്ന് പിൻമാറാൻ വഞ്ചിനാഥ് വിസമ്മതിച്ചുവെന്നും വീട്ടുകാർ പറയുന്നു.

നൊളമ്പൂർ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. ലോകേഷ് വഞ്ചിനാഥിനെ ഷൂലേസ് ഉപയോഗിച്ച് കഴുത്ത് ഞെരിച്ചാണ് കൊലപ്പെടുത്തിയതെന്ന് പ്രാഥമിക അന്വേഷണത്തിൽ വ്യക്തമായി.