പെണ്ണുങ്ങളുടെ സംസാരവും വഴക്കും ഞങ്ങളും ആസ്വദിക്കാറുണ്ട്- അഭയ

ഗോപി സുന്ദറുമായി വേർപിരിഞ്ഞ ശേഷമുള്ള ​ഗായിക അഭയ ഹിരണ്മയിയുടെ ഒരോ പോസ്റ്റും ആരാധകർ ഏറ്റെടുക്കാറുണ്ട്. സഹോദരിക്കൊപ്പമുള്ള ചിത്രങ്ങളാണ് അഭയ ഇപ്പോൾ ഷെയർ ചെയ്തിരിക്കുന്നത്. വരദ ജ്യോതിർമയി എന്നാണ് സഹോദരിയുടെ പേര്. അനിയത്തിക്കൊപ്പമുള്ള ചിത്രങ്ങളും വീഡിയോയുമൊക്കെ പങ്കുവെച്ച് അഭയ എത്താറുണ്ട്. കണ്ണാം തുമ്പി പോരാമോ എന്ന ഗാനത്തിനൊപ്പമായുള്ള വീഡിയോ നേരത്തെ വൈറലായിരുന്നു. അനിയത്തിയെ ചേർത്തുപിടിച്ച് താലോലിക്കുന്ന അഭയയുടെ വീഡിയോ കണ്ട് മനസ് നിറഞ്ഞുവെന്നായിരുന്നു കമന്റുകൾ.

ഇതെന്റെ കൂടപ്പിറപ്പാണ്. ഞങ്ങളുടേതായ നിമിഷങ്ങൾ ശരിക്കും ആസ്വദിക്കാറുണ്ട്. പെൺകുട്ടികളുടേതായ സംസാരവും വഴക്കുകളുമെല്ലാം ഞങ്ങൾ ആസ്വദിക്കാറുണ്ട്. തിരുവനന്തപുരം സിസ്റ്റേഴ്‌സ് സ്വയമായി അവരെത്തന്നെ മാറ്റിയിരിക്കുകയാണെന്നുമായിരുന്നു അഭയ കുറിച്ചത്. ലവ് യൂ വരദ ജ്യോതിർമയി എന്ന് പറഞ്ഞ് സഹോദരിയെ മെൻഷൻ ചെയ്തായിരുന്നു അഭയ ചിത്രങ്ങൾ പോസ്റ്റ് ചെയ്തത്. നടി അനുശ്രീയുൾപ്പടെ നിരവധി പേരാണ് ചിത്രങ്ങൾക്ക് താഴെയായി കമന്റ് ചെയ്തിട്ടുള്ളത്.

അതേസമയം തന്റെ ഔദ്യോഗിക ഇൻസ്റ്റഗ്രാം പേജിന് ഒരു ലക്ഷം ഫോളോവേഴ്‌സിനെ ലഭിച്ചെന്ന് അടുത്തിടെയാണ് അഭയ ഹിരൺമയി പങ്കുവെച്ചത്. ശ്ശൊ! എനിക്ക് വയ്യ, ഒരു ലക്ഷം ഫോളോവേഴ്‌സ്, ഈ സ്‌നേഹത്തിന് എന്നും നന്ദിയും കടപ്പാടും ഉണ്ടായിരിക്കുമെന്ന് പറയുകയാണ് അഭയ ഹിരൺമയി. പൊതുവേദിയിൽ പാട്ടു പാടുന്ന ഒരു ചിത്രം കൂടി പോസ്റ്റ് ചെയ്താണ് അഭയ തന്റെ പുതിയ സന്തോഷ വാർത്ത ആരാധകരുമായി പങ്കുവെച്ചിരിക്കുന്നത്.