ഉറങ്ങിക്കോ അച്ഛാ അച്ഛന്റെ ഏറ്റവും ഇഷ്ടമുള്ള പാട്ടു പാടുന്നുണ്ട് ഞാൻ; അച്ഛന്റെ വിയോഗത്തിൽ കുറിപ്പുമായി അഭയ ഹിരണ്മയി

മലയാളികളുടെ പ്രിയപ്പെട്ട സംഗീത സംവിധായകനാണ് ഗോപി സുന്ദർ. ഗോപിയുടെ പ്രണയിനിയും ജീവിത പങ്കാളിയുമാണ് ഗായികയായ അഭയ ഹിരൺമയി. നിരവധി ആരാധകരാണ് ഇരുവർക്കുമുള്ളത്. നേരത്തെ ഗോപി സുന്ദറുമായുള്ള തന്റെ അടുപ്പത്തെ കുറിച്ച് അഭയ ഹിരൺമയി നടത്തിയ വെളിപ്പെടുത്തൽ ഏറെ വിവാദങ്ങൾക്കും വിമർശനങ്ങൾക്കും വഴി ഒരുക്കിയിരുന്നു.

ഗായികയുടെതായി വന്ന പുതിയൊരു കുറിപ്പ് വൈറലായിരുന്നു. അച്ഛൻ ജി മോഹന്‌റെ വിയോഗത്തിന് പിന്നാലെയാണ് ഹൃദയസ്പർശിയായ ഒരു കുറിപ്പുമായി അഭയ ഹിരൺമയി എത്തിയത്. കോവിഡ് ബാധിച്ച് തിരുവനന്തപുരം മെഡിക്കൽ കോളേജ് ആശുപത്രിയിൽ ചികിൽസയിൽ കഴിയവേയായിരുന്നു അദ്ദേഹത്തിന്‌റെ വിയോഗം.

‘മലർന്ന്ദും മലരാഹ, പാതി മലർ പോല വലരും വിഴിവന്നമ്മേ, വന്തു വിഡിന്തും വിടിയാത കാലൈ പൊഴുതാഗ, വിലയും കലൈ അന്നമേ ! ഉറങ്ങിക്കോ അച്ഛാ….അച്ഛന്റെ ഏറ്റവും ഇഷ്ടമുള്ള പാട്ടു പാടുന്നുണ്ട് ഞാൻ, അച്ഛന്റെ മൂത്തവള്, അച്ഛന്റെ കിളിമോള് കാലു തടവുന്നുണ്ട്, ആനി കുട്ടിടെ മടിയില് കിടന്നു ഒറങ്ങിക്കോ എന്നാണ് അഭയ ഹിരൺമയി തന്‌റെ ഇൻസ്റ്റഗ്രാമിൽ കുറിച്ചത്.

“വി മിസ് അച്ഛാ, റെസ്റ്റ് ഇൻ പീസ് എന്നാണ് ഗോപി സുന്ദർ സാമൂഹിക മാധ്യമത്തിൽ കുറിച്ചിരിക്കുന്നത്”.ദൂരദർശൻ കേന്ദ്രത്തിൽ ദീർഘ കാലം ജോലി ചെയ്തിരുന്നയാളാണ് ജി. മോഹൻ, കൂടാതെ നാടക രംഗത്തും അദ്ദേഹം സജീവസാന്നിധ്യമായിരുന്നു.