അബുദാബിയിലെ ഹിന്ദുക്ഷേത്രത്തിന്റെ ഉദ്​ഘാടനം ഇന്ന്, നരേന്ദ്ര മോദി പ​ങ്കെടുക്കും

അബുദാബിയിൽ പണിപൂർത്തിയായ കൂറ്റൻ ഹിന്ദുക്ഷേത്രത്തിന്റെ ഉദ്​ഘാടനം ഇന്ന് നടക്കും. വിഗ്രഹ പ്രതിഷ്ഠ കാലത്ത്​ നടക്കും. പ്രധാനമന്ത്രി നരേന്ദ്ര മോദിയുടെ സാന്നിധ്യത്തിൽ ഇന്ന് വൈകീട്ടാണ്​ ഉദ്​ഘാടന ചടങ്ങ്​. ബോചാസൻവാസി അക്ഷർ പുരുഷോത്തം സ്വാമി നാരായൺ സംസ്ഥയ്ക്ക് (ബാപ്സ്) കീഴിലാണ് ക്ഷേത്രം. ബാപ്സ് മുഖ്യപുരോഹിതനും ആത്മീയാചാര്യനുമായ മഹന്ത് സ്വാമി മഹാരാജ് പ്രധാന കർമങ്ങൾക്ക് നേതൃത്വം നൽകും. യു.എ.ഇ. ഭരണാധികാരികളടക്കം ഒട്ടേറെ അറബ് പ്രമുഖർ പങ്കെടുക്കും. ക്ഷണിക്കപ്പെട്ടവർക്ക് മാത്രമാണ് ഉദ്ഘാടനദിനത്തിൽ പ്രവേശനം.

പശ്​ചിമേഷ്യയിലെ ഏറ്റവും വലിയ പരമ്പരാഗത ഹിന്ദു ശിലാക്ഷേത്രമാണിത്​.അബൂദബി – ദുബൈ ഹൈവേക്ക് സമീപം അബു മുറൈഖയിൽ പണിതീർത്ത ക്ഷേത്രത്തിന്​ യു.എ.ഇ എമിറേറ്റുകളെ പ്രതീകവത്​കരിച്ച്​ 7 ഗോപുരങ്ങളാണുള്ളത്​. ബോച്ചസന്യാസി അക്സർ പുരുഷോത്തം സ്വാമിനാരായൺ സൻസ്​ഥക്ക് ചുവടെയാണ്​ക്ഷേത്രം. മഹന്ത് സ്വാമി മഹാരാജ് ചടങ്ങുകൾക്ക്​ നേതൃത്വം നൽകും. പൊതുജനങ്ങൾക്ക്​ പ്രവേശനം ഈ മാസം 18 മുതലാണ്​. ഒരേസമയം എണ്ണായിരം മുതൽ പതിനായിരം പേർക്ക് പ്രവേശിക്കാം

27 ഏക്കർ സ്ഥലത്താണ്​ ക്ഷ്രേത്രം തല ഉയർത്തി നിൽക്കുന്നത്​. 13 ഏക്കറിലാണ് ​ക്ഷേത്രം. 14 ഏക്കറിൽ പൂന്തോട്ടവും പാർക്കിങും മറ്റു സൗകര്യങ്ങളും. 2019 ഡിസംബറിലാണ ക്ഷേത്ര​നിർമ്മാണം തുടങ്ങിയത്​.

നിർമ്മാണ ചെലവ് ഏതാണ്ട്​ ഏഴായിരം കോടി രൂപ വരും. പിങ്ക്, വെള്ള മാർബിളിൽ കൈകൊണ്ട് കൊത്തിയെടുത്ത ശിൽപങ്ങൾ ചേർത്തുവെച്ച് നിർമാണം. 12,550 ടൺ റെഡ് സ്റ്റോൺ , 5000 ടൺ ഇറ്റാലിയൻ മാർബിൾ എന്നിവ നിർമാണത്തിനായി ഉപയോഗിച്ചു. 108 അടിയാണ്​ ഉയരം.1500 തൊഴിലാളികൾ നിത്യവും നിർമാണത്തിൽ പങ്കാളികളായി

രാജസ്ഥാനിലെയും ഗുജറാത്തിലെയും 2000 ശിൽപികൾ കൊത്തിയെടുത്ത ശിലകൾ കണ്ടെയ്നറുകളിൽ യു.എ.ഇയിൽ എത്തിച്ച്​കൂട്ടിയോജിപ്പിക്കുകയായിരുന്നു. സ്റ്റീലോ ഇരുമ്പോ ഉപയോഗിക്കാതെയാണ്​ നിർമാണം. പുരാണകഥകളാൽ സമ്പന്നമാണ്​ ഷേത്രം. രാമായണം, ശിവപുരാണം, മഹാഭാരതം, അയ്യപ്പ ചരിതം, ശബരിമല ക്ഷേത്രം, പതിനെട്ടാം പടി, അയ്യപ്പൻ എന്നിവയും ഇവിടെ ഇതൾ വിരിയുന്നു. അറബ് – ചൈനീസ് – മൊസപ്പട്ടോമിയൻ സംസ്കാര മുദ്രകൾ ഉൾച്ചേർന്ന ക്ഷേത്രത്തിൽ എല്ലാവർക്കും പ്രവേശനം അനുവദിക്കും