മലയാളിക്ക് വീണ്ടും ദുബായ് ഭാഗ്യ ദേവതയുടെ കടാക്ഷം, ടാക്‌സി ഡ്രൈവര്‍ക്ക് കൈവന്നത് കോടികള്‍

ദുബായ്: ദുബായില്‍ ഡ്രൈവറായ മലയാളിക്കും ഒമ്പത് സുഹൃത്തുക്കളും ചേര്‍ന്ന് എടുതത്ത ടിക്കറ്റിന് കോടികളുടെ ഭാഗ്യം. അബുദാബി ബിഗ് ടിക്കറ്റ് നറുക്കെടുപ്പില്‍ 20 ലക്ഷം ദിര്‍ഹം (40 കോടിയിലേറെ രൂപ) ആണ് സമ്മാനമായി ലഭിച്ചത്. കൊല്ലം സ്വദേശിയായ രഞ്ജിത് സോമരാജന്റെ പേരിലാണ് ടിക്കറ്റ് എടുത്തത്. കഴിഞ്ഞ മൂന്ന് വര്‍ശഷമായി ഇദ്ദേഹം കൂട്ടുകാര്‍ക്കൊപ്പം ചേര്‍ന്ന് ടിക്കറ്റ് എടുത്ത വരികയിയാരുന്നു. ഒടുവില്‍ കോടികള്‍ തേടിയെത്തിയതിന്റെ സന്തോഷത്തിലാണ് രഞ്ജിത്.

രഞ്ജിത്തിനൊപ്പം ദുബായിലെ ഒരു ഹോട്ടലില്‍ വാലെ പാര്‍ക്കിങ്ങില്‍ ജോലി ചെയ്യുന്ന ഇന്ത്യ, പാക്കിസ്ഥാന്‍, നേപ്പാള്‍, ബംഗ്ലാദേശ് സ്വദേശികളായ ഒമ്പത് പേര്‍ ചേര്‍ന്നാണ് ടിക്കറ്റ് എടുത്തത്. ജൂണ്‍ 29ന് ഓരോരുത്തരും 100 ദിര്‍ഹം വീതമിട്ട് ടിക്കറ്റ് വാങ്ങുകായയിരുന്നു. എന്നെങ്കിലും ഒരിക്കല്‍ നമ്മളെ ഭാഗ്യം തേടിയെത്തുമെന്ന് രഞ്ജിത് സുഹൃത്തുക്കളോട് പറഞ്ഞിരുന്നു.

ഭാര്യ സഞ്ജീവനിക്കും മകന്‍ നിരഞ്ജനുമൊപ്പം ഹത്തയില്‍ നിന്നും റാസല്‍ഖൈമയില്‍ എത്തിയപ്പോഴാണ് സമ്മാനം ലഭിച്ച വിവരം രഞ്ജിത് അറിയുന്നത്. പച്ചക്കറി വാങ്ങാനായി ഒരു പള്ളിയുടെ അരികില്‍ വാഹനം നിര്‍ത്തി. ഈ സമയം എട്ട് വയസുകാരന്‍ മകന്‍ തത്സമയം നറുക്കെടുപ്പ് കാണുകയായിരുന്നു. ഒന്നും രണ്ടും സമ്മാനമായ 30, 10 ലക്ഷം ദിര്‍ഹം പ്രഖ്യാപിച്ചു. ഇതോടെ ഇപ്രാവശ്യവും തനിക്ക് സമ്മാനം ഇല്ലല്ലോ എന്നോര്‍ത്ത് പള്ളിക്ക് നേരെ നിന്ന പ്രാര്‍ത്ഥിച്ചപ്പോഴാണ് തന്റെ നമ്പര്‍ ഒന്നാം സമ്മാനമായി പ്രഖ്യാപിച്ചതെന്നും 37കാരനായ രഞ്ജിത് പറയുന്നു. 349886 എന്ന നമ്പര്‍ ടിക്കറ്റിനാണ് സമ്മാനം ലഭിച്ചത്.

സമ്മാനം ലഭിച്ചത് കണ്ട് മകന്‍ ആര്‍ത്തുവിളിച്ചു. പിന്നാലെ അഭിനന്ദന പ്രവാഹമായിരുന്നു എന്നും രഞ്ജിത് പറയുന്നു. 2008 മുതല്‍ ദുബായ് ടാക്‌സിക്ക് കീഴില്‍ വിവിധ കമ്പനികളില്‍ ജോലി ചെയ്ത് വരികയായിരുന്നു രഞ്ജിത്. ശമ്പളം കുറച്ചതോടെ ഡ്രൈവര്‍ ജോലിക്കൊപ്പം സെയില്‍സ്മാനുമായി ജോലി ചെയ്ത് തുടങ്ങി. അടുത്തിടെ മറ്റൊരു കമ്പനിയില്‍ ഡ്രൈവര്‍-പിആര്‍ഒ ജോലി ലഭിച്ചു. 3500 ദിര്‍ഹമാണ് രഞ്ജിതിന് ശമ്പളം. ഭാര്യ ഹോട്ടലില്‍ ജോലി ചെയ്ത് വരികയാണ്. സമ്മന തുക കൊണ്ട് സ്വന്തമായി ഒരു ബിസിനസ് ആരംഭിക്കുകയാണ് ലക്ഷ്യമെന്നും ബാക്കി കാര്യങ്ങള്‍ കുടുംബവുമായി ആലോചിച്ച് തീരുമാനിക്കുമെന്നും രഞ്ജിത് പറഞ്ഞു.