“ഭർത്താവിനെ തട്ടിയെടുത്തവൾ” നടി പ്രകൃതിക്ക് യാത്രക്കിടെ നടൻ ബാബുഷാന്റെ ഭാര്യയുടെയും ഗുണ്ടകളുടെയും ആക്രമണം.

സഹതാരത്തിനൊപ്പം വാഹനത്തിൽ യാത്രചെയ്യുന്നതിനിടെ നടുറോഡിൽ അപമാനിതയായ ഒഡിയ നടിയും ദേശീയ അവാർഡ് ജേതാവുമായ പ്രകൃതി മിശ്ര പ്രതികരണവുമായി എത്തി. ബാബുഷാൻ മൊഹന്തിയുമായി പ്രകൃതി മിശ്ര യാത്ര ചെയ്യുന്നതിനിടെ അയാളുടെ ഭാര്യ നടുറോഡിൽ വാഹനത്തിൽനിന്നു വലിച്ചിറക്കി അപമാനിച്ച സംഭവത്തിന്റെ വിഡിയോ സമൂഹമാധ്യമങ്ങളിൽ പ്രചരിക്കുന്നതി നിടെയാണ് വിശദീകരണവുമായി പ്രകൃതി മിശ്ര ഇൻസ്റ്റഗ്രാമിൽ എത്തിയിരിക്കുന്നത്.

‘എല്ലാ കഥകൾക്കും രണ്ടു വശങ്ങളുണ്ട്. പക്ഷെ, നിർഭാഗ്യവശാൽ എന്തു പ്രശ്നത്തിലും അതിൽ ഉൾപ്പെട്ട സ്ത്രീയുടെ ഭാഗം കേൾക്കാതെ അവളെ കുറ്റപ്പെടുത്തുന്ന സമൂഹമാണ് നമ്മുടേത്. ഉദ്‌ഖൽ അസോസിയേഷൻ സംഘടിപ്പിച്ച ഒരു പരിപാടിയിൽ പങ്കെടുക്കുന്നതിനായി ചെന്നൈയിലേക്ക് പോകുകയായിന്നു ഞാനും എന്റെ സഹപ്രവർത്തകനായ ബാബുഷാനും. ഈ സമയത്താണ് ബാബുഷാന്റെ ഭാര്യയും ചില ഗുണ്ടകളും ചേർന്ന് ഞങ്ങളുടെ യാത്ര തടസ്സപ്പെടുത്തുന്നത്. അവർ എന്നെ ശാരീരികവും മാനസികവുമായി ആക്രമിക്കുകയായിരുന്നു. ബാബുഷാന്റെ ഭാര്യയുടെ പ്രവൃത്തി എനിക്ക് ഒരിക്കലും അംഗീകരിക്കാവുന്നതല്ല.’– പ്രകൃതി ഇൻസ്റ്റഗ്രാമിൽ കുറിച്ചു.

പ്രകൃതിയും ബാബുഷായും തമ്മിൽ പ്രണയത്തിലാണെന്നു തെറ്റിദ്ധരിച്ചാണ് ബാബുഷായുടെ ഭാര്യ ആക്രമിക്കാനെത്തുന്നത്. വിഷയവുമായി ബന്ധപെട്ടു സ്ത്രീശാക്തീകരണത്തെ കുറിച്ചും പ്രകൃതി തന്റെ കുറിപ്പിൽ പരാമർശിക്കുന്നു. ‘സമൂഹത്തിൽ സ്ത്രീ ശാക്തീകരണത്തിനായി പോരാടുക എന്നാൽ എല്ലാ ബുദ്ധിമുട്ടുകളും സഹിക്കുക എന്നതാണ്. ഈ പോസ്റ്റിനു താഴെ ‘മറ്റൊരാളുടെ ഭർത്താവിനെ തട്ടിയെടുത്തവൾ’ എന്ന കമന്റുകൾ വന്നു. ഇതിനെതിരെ കാര്യങ്ങൾ അറിയാതെ പ്രതികരിക്കരുതെന്നു പ്രകൃതി മറുപടി നൽകിയിരിക്കുന്നു.

വിഡിയോ പ്രചരിച്ചതിനു പിന്നാലെ പ്രതികരണവുമായി ബാബുഷാനും രംഗത്തുവന്നിരുന്നു. ബാബുവും പ്രകൃതിയും ഒരുമിച്ച് അഭിനയിച്ച ചിത്രത്തിന്റെ പ്രമോഷനു വേണ്ടിയാണ് ഇരുവരും പോയതെന്നും തന്റെ കുടുംബത്തിന് ഇത്തരത്തിൽ ഒരു പ്രശ്നമുണ്ടെന്ന് അറിയില്ലായിരുന്നെന്നും ബാബുഷാ പറഞ്ഞു. അങ്ങനെയൊരു പ്രശ്നമുണ്ടെങ്കിൽ ഇനി പ്രകൃതിയുമായി ഒരുമിച്ച് അഭിനയിക്കില്ലെന്നും ബാബുഷാ അറിയിച്ചിട്ടുണ്ട്. ‘ഹലോ അർസി’ എന്ന ചിത്രത്തിനാണ് പ്രകൃതിക്ക് നേരത്തേ ദേശീയ പുരസ്കാരം ലഭിച്ചിരുന്നത്.