വിവാദങ്ങൾക്ക് ഒടുവിൽ നടി അശ്വതി ബാബു സുഹൃത്ത് നൗഫലിനെ വിവാഹം കഴിച്ചു

കൊച്ചി. ലഹരി പെണ്‍വാണിഭ കേസുകളില്‍ പലതവണ പ്രതിയായ അശ്വതി ബാബു വിവാഹിതയായി. തിരുവനന്തപുരം തുമ്പ ആറാട്ടുവഴി സ്വദേശിയായ അശ്വതി സുഹൃത്ത് കാക്കനാട് ചിറ്റേത്തുകര പറയിന്‍മൂല വീട്ടില്‍ നൗഫലിനെയാണ് വിവാഹം കഴിച്ചത്. കൊച്ചിയില്‍ കാര്‍ ബിസിനസ് ചെയ്യുന്ന വ്യക്തിയാണ് നൗഫല്‍. കുടുംബത്തോടൊപ്പം സന്തോഷത്തോടെ വീജിക്കുവാനാണ് ആഗ്രഹിക്കുന്നതെന്നും സിനിമയില്‍ സജ്ജീവമാകണമെന്നും അശ്വതി വിവാഹത്തിന് ശേഷം പ്രതികരിച്ചു.

പ്രണയിച്ച യുവാവിനൊപ്പം പതിനാറാം വയസ്സില്‍ കൊച്ചിയില്‍ അഭിനയിക്കുവാന്‍ എത്തിയ അശ്വതി പിന്നീട് ലഹരി മുരുന്ന് കേസുകളിലും പെണ്‍വാണിഭ കേസുകളിലും പെടുകയായിരുന്നു. വിവാഹ വാഗ്ദാനം നല്‍കി സുഹൃത്ത് ദുരുപയോഗം ചെയ്യുകയും പിന്നീട് നിരവധി പേര്‍ക്ക് പണത്തിന് തന്നെ നല്‍കിയെന്ന് അശ്വതി മുമ്പ് തുറന്ന് പറഞ്ഞിരുന്നു.

അശ്വതിയെ ഉപയോഗിച്ച് പണം സമ്പാദിച്ച് എറണാകുളം സൗത്തില്‍ ട്രാവല്‍സ് നടത്തുന്ന യുവാവിനെക്കുറിച്ചും അശ്വതി മുമ്പ് തുറന്ന് പറഞ്ഞിരുന്നു. ദുബായില്‍ ലഹരിക്കേസില്‍ അറസ്റ്റിലായിട്ടുണ്ട് അശ്വതി. ലഹരി ഉപേക്ഷിച്ച് സാധാരണ ജീവിതത്തിലേക്ക് തിരിച്ചുവരുവനാണ് തന്റെ ആഗ്രഹമെന്ന് അശ്വതി ബാബു പറഞ്ഞിരുന്നു. കുടുംബമായി ജീവിക്കണമെന്നും ഡോക്ടര്‍മാരുടെ സഹായത്തോടെ ലഹരി ഉപേക്ഷിക്കുമെന്നും അശ്വതി പറഞ്ഞിരുന്നു.

26 വയസ്സ് മാത്രം പ്രായമുള്ള അശ്വതിയെ സാഹായിക്കുവാന്‍ നിരവധി പേരാണ് മുന്നോട്ട് വന്നത്. എന്നാല്‍ ദുരുപയോഗം ചെയ്യുന്നത് ലക്ഷ്യമിട്ടാണ് പലരും വരുന്നതെന്ന് മനസിലാക്കി ആ ബന്ധങ്ങളില്‍ നിന്ന് പിന്മാറുകയായിരുന്നുവെന്ന് അവര്‍ പറയുന്നു. അതേസമയം അശ്വതിയെ വിവാഹം കഴിച്ച നൗഫലിനെ മദ്യപിച്ച് വാഹനം ഓടിച്ചതിന് അശ്വതിക്കൊപ്പം കൊച്ചിയില്‍ പിടികൂടിയതായും വാര്‍ത്തയായിരുന്നു.