ഓപ്പൺ ആയിട്ട് ചോദിച്ചന്നെയൊള്ളു, ഒരുപാട് ദുംഖമുണ്ടല്ലോ, വിരുതനെ തുറന്നുകാട്ടി അശ്വതി

സോഷ്യൽ മീഡിയയിൽ സജീവമാണ് സീരിയൽ താരം അശ്വതി. ഇപ്പോളിതാ നവ മാധ്യമങ്ങളിലൂടെ ഒരു വ്യാജനിൽ നിന്നുമുണ്ടായ അനുഭവം പങ്കുവെക്കുകയാണ് നടി അശ്വതി. കഴിഞ്ഞ ദിവസം ഇൻസ്റ്റാ​ഗ്രാമിൽ നിന്നുണ്ടായ മോശം അനുഭവം വെളിപ്പെടുത്തുകയാണ് താരം, തനിക്ക് ലഭിച്ചൊരു മെസേജിനെക്കുറിച്ചും തുടർന്ന് നടന്ന സംഭവങ്ങളെക്കുറിച്ചുമാണ് പറയുന്നത്, കുറിപ്പിങ്ങനെ

എനിക്ക് കഴിഞ്ഞ ദിവസം വന്നൊരു ഇൻസ്റ്റാഗ്രാം മെസ്സേജ് ആണിത്.. തിരുവനന്തപുരം അന്താരാഷ്ട്ര വിമാനത്താവളത്തിൽ ATC യിൽ വർക്ക്‌ ചെയ്യുകയാണെന്നും ഡ്രെസ്സിന്റെ ഓൺലൈൻ ബിസിനെസ്സ് ഉണ്ടെന്നും പറഞ്ഞാണ് പരിചയപ്പെട്ടു വന്നത്..ഓൺലൈൻ പ്രൊമോഷന് വേണ്ടി ആയിരിക്കും എന്ന് കരുതി ആണു ഞാൻ മറുപടി നൽകി തുടങ്ങിയതും. പിന്നെ ചിത്രം വരക്കുമെന്നും എന്റെ ചിത്രം വരച്ചോട്ടെ എന്നും ചോദിച്ചു, ഓഹ് ചിത്രം വരയ്ക്കാനുള്ള സമ്മതത്തിന് ആയിരിക്കുമെന്ന് പിന്നീട് കരുതി

പിന്നെ ആള് ജ്യോതിഷത്തിലേക്കു പരകായ പ്രവേശനം നടത്തി എന്തൊക്കെയോ പ്രവചനങ്ങൾ തുടങ്ങി c u later പറഞ്ഞു ബ്ലോക്ക് ചെയ്തു എന്തായാലും ഒന്നെനിക്ക് ബോധ്യമായി ഇതു എന്നെ അറിയുന്ന ആരോ ആണ്. അക്കൗണ്ട് ഞാൻ എത്തിക്കേണ്ടിടത്തു എത്തിക്കുന്നുമുണ്ട്.മെസ്സേജ് അയച്ച ആളോട് ഒന്നറിയിച്ചോട്ടെ എന്റെ വിഷമം കേൾക്കാനും എന്റെ ദേഷ്യം അറിയിക്കാനും ദൈവം എനിക്കൊരു ആളെ തന്നിട്ടുണ്ട്, കഴിഞ്ഞ പതിനൊന്നു വർഷമായിട്ട് വിഷമോം പരിഭവോം കേട്ടു അങ്ങേർടെ ചെവിയൊന്നും അടിച്ചു പോയിട്ടില്ല അതോണ്ട് ദൈവം അനുഗ്രഹിച്ചാൽ മുന്നോട്ടും അങ്ങേരു തന്നെ കേട്ടോളും

നിരവധിപ്പേരാണ് കമന്റുമായെത്തുന്നത്. ഇതിൽ ഇപ്പോൾ എന്താ ഉള്ളത് ഇത്രക് ഓവർ ആകാൻ.. നിങ്ങൾ ഈ പറഞ്ഞത് അയച്ച ആൾക്ക് ആ മെസ്സേജിൽ തന്നെ മറുപടി കൊടുത്ത് ബ്ലോക്ക് ആക്കിയാൽ പോരെ എന്നായിരുന്നു ഒരാളുടെ കമന്റ്. ബ്ലോക്ക് ചെയ്തു മിണ്ടാതിരുന്നാൽ ഈ വ്യക്തി വേറൊരാൾക്കും ഇതുപോലെ മെസ്സേജ് അയക്കും.. എന്നാണ് അശ്വതി നൽകിയ മറുപടി