അമ്മയിലെ ചിന്നു ഇപ്പോൾ പഴയ ചിന്നുവല്ല, കോളേജ് ലക്ചററാണ്

എത്രകാലം കഴിഞ്ഞാലും ചില സീരിയലുകളും കഥാപാത്രങ്ങളും നമ്മുടെ മനസ്സിൽ നിന്ന് മായില്ല.വർഷങ്ങളോളം നമ്മുടെ സ്വീകരണ മുറിയിലെത്തിയ കഥാപാത്രങ്ങളെ പലരും കുടുംബത്തിലെ അംഗത്തെ പോലെ തന്നെയാണ് കാണാറുള്ളത്.അങ്ങനെ മനസ്സിലേറ്റിയ സീരിയലാണ് അമ്മ.അമ്മ എന്ന സീരിയലിലൂടെ ചില പുതുമുഖ താരങ്ങളും ഏറെ ശ്രദ്ധ നേടിയിരുന്നു.ചിന്നുവിന്റെ വേഷം പ്രായ മാറ്റത്തിനനുസരിച്ച് പല മുഖങ്ങളിലൂടെയാണ് കടന്ന് പോയത്.ചിന്നുവിന്റെ ബാല്യം മാളവികയും കൗമാരം ഗൗരികൃഷ്ണയും മികവുറ്റതാക്കി.ഇരുവർക്കും പ്രേക്ഷക മനസ്സിൽ വലിയ സ്ഥാനം തന്നെ ലഭിച്ചിരുന്നു

അമ്മയ്ക്ക് ശേഷം ചില തമിഴ് സിനിമകളിലൂടെയും മറ്റും മാളവികയെ കണ്ടുവെങ്കിലും ഗൗരി അപ്രത്യക്ഷയായി.എന്നാലിപ്പോൾ താരം എവിടെയാണെന്ന അന്വേഷണത്തിലാണ് ആരാധകർ.അമ്മ എന്ന സീരിയൽ ചെയ്യുന്ന സമയത്ത് ഗർഭശ്രീമാൻ എന്ന സിനിമയിലും അഭിനയിക്കാൻ അവസരം ലഭിച്ചിരുന്നു.ആ സമയത്ത് ഞാൻ പ്ലസ് ടുവിന് പഠിയ്ക്കുകയായിരുന്നു.അഭിനയത്തിലെന്ന പോലെ തന്നെ പഠനത്തോടും വലിയ താത്പര്യമുണ്ട്.ചാർട്ടേഡ് അക്കൗണ്ടന്റ് ആകണമെന്നത് എന്റെ ആഗ്രഹമായിരുന്നു.അങ്ങനെ ബാംഗ്ലൂരിലെത്തി ഉപരി പഠനം പൂർത്തിയാക്കി

പഠനത്തിനൊപ്പം ഒരു കമ്പനിയിൽ ജോലിയുമായി.അതിന് ശേഷം ഇപ്പോൾ ബാംഗ്ലൂരിൽ തന്നെ ഒരു കോളേജിൽ ലക്ചററായി ജോലി നോക്കുകയാണ്.അമ്മയും അച്ഛനും എനിക്കൊപ്പമുള്ളത് കൊണ്ട് ബാംഗ്ലൂരിൽ സ്ഥിരതാമസമാക്കി.ഇതിനിടയിൽ അഭിനയം വിട്ടു പോയെങ്കിലും അതിനോടുള്ള ഇഷ്ടം ഒട്ടും കുറയാതെ ഉള്ളിലുണ്ട്.

പത്തനംതിട്ട സ്വദേശികളായ രാധാകൃഷ്ണൻ നായരുടെയും ബീനയുടെയും ഏകമകലാണ് ഗൗരി കൃഷ്നയെന്ന കൃഷണ ഗായത്രി.പഠിച്ചതും വളർന്നതുമെല്ലാം തിരുവനന്തപുരത്തായിരുന്നു. കലാരംഗത്ത് ചെറുപ്പം മുതൽ അഭിനയത്തോടും നൃത്തത്തോടും താത്പര്യമുണ്ടായിരുന്ന ഗൗരി സജീവമായിരുന്നു.യുവജനോത്സവ വേദികളിൽ നിറ സാന്നിധ്യമായിരുന്നു ഈ കൊച്ചുകലാകാരി.നൃത്തം,മോണോ ആക്റ്റ്,പ്രസംഗം,നാടകം തുടങ്ങിയവയിൽ എല്ലാം തന്നെ മികവ് പുലർത്തിയിരുന്നു