സൂപ്പര്‍ സ്റ്റാറുകളുടെ നായികയായി എത്തിയ ഈ നടിയെ ഓര്‍മയുണ്ടോ

മലയാള സിനിമയില്‍ നിന്നും പെട്ടെന്ന് അപ്രത്യക്ഷമാകുന്ന പല നടിമാരുമുണ്ട്.ഇതില്‍ പലരും വിവാഹത്തോടെയാവും പല നടിമാരും അഭിനയ ജീവിതം ആരംഭിക്കുന്നത്.ഇത്തരത്തിലായിരുന്നു ലയ ഗോര്‍ട്ടിയും അപ്രത്യക്ഷയായത്.കരിയറില്‍ നടി ഏറെ തിളങ്ങി നില്‍ക്കുമ്പോഴാണ് നടി വിവാഹിത ആകുന്നതും അഭിനയം അവസാനിപ്പിക്കുന്നതു.തെലുങ്ക് ചിത്രങ്ങളിലൂടെ അരങ്ങേറ്റം കുറിച്ച നടി പിന്നീട് തമിഴ്,കന്നട,മലയാളം ഭാഷകളിലെ ചിത്രങ്ങളിലും തതിളങ്ങി.തൊമ്മനും മക്കളും,രാഷ്ട്രം,ആലീസ് ഇന്‍ വണ്ടര്‍ലാന്റ്,ഉടയോന്‍ എന്നീ ചിത്രങ്ങളിലൂടെ മലയാളികള്‍ക്കും ഏറെ സുപരിചിതയാണ് ലയ.

1992ല്‍ ബാല താരമായിട്ടാണ് നടി അഭിനയ ജീവിതത്തിന് തുടക്കം കുറിച്ചത്.വളരെ കുറഞ്ഞ നാളുകള്‍ക്ക് ഉള്ളില്‍ തന്നെ തെന്നിന്ത്യയിലെ ശ്രദ്ധേയ നടിമാരില്‍ ഒരാളായി മാറാന്‍ ലയക്ക് സാധിച്ചു.കരിയറിലെ കുറഞ്ഞ കാലയിളവില്‍ തന്നെ അറുപതോളം ചിത്രങ്ങളില്‍ വേഷമിടാന്‍ നടിക്ക് സാധിച്ചു.നടി എന്നത് കൂടാതെ ഒരു കുച്ചുപ്പുടി നര്‍ത്തകി കൂടിയാണ് ലയ.ലയയുടെ അമ്മ സംഗീത അധ്യാപികയും അച്ഛന്‍ ഡോക്ടറുമായിരുന്നു.എന്നാല്‍ അവരുടെ രണ്ട് പേരുടെയും പാത പിന്തുടരാതെ അഭിനയം തിരഞ്ഞെടുക്കുക ആയിരുന്നു ലയ.കരിയറില്‍ ഏറെ തിളങ്ങി നില്‍ക്കുന്ന സമയത്താണ് നടി വിവാഹിത ആകുന്നത്.ഡോ.ശ്രീ ഗണേശ് ഗോര്‍ട്ടിയാണ് ലയയെ വിവാഹം ചെയ്തത്.2006 ജൂണ്‍ 14ന് ആയിരുന്നു ഇരുവരുടെയും വിവാഹം.ഇപ്പോള്‍ കുടുംബത്തോട് ഒപ്പം ലോസ് ഏഞ്ചലസിലാണ് നടി താമസിക്കുന്നത്.രണ്ട് കുട്ടികളുടെ അമ്മയാണ് ലയ ഇപ്പോള്‍.സ്ലോക ഗോര്‍ട്ടി,വചന്‍ ഗോര്‍ട്ടി എന്നിവരാണ് മക്കള്‍.2006ല്‍ അഭിനയത്തില്‍ നിന്നും ബ്രേക്ക് എടുത്ത ലയ 2010ലും 2018 ലും രണ്ടു തെലുങ്ക് ചിത്രങ്ങളില്‍ അതിഥിവേഷത്തിലെത്തിയിരുന്നു.