മഡോണയുടെ വിവാഹം കഴിഞ്ഞോ, കല്യാണപ്പെണ്ണായി അണിഞ്ഞൊരുങ്ങിയ ചിത്രങ്ങൾ വൈറൽ

പ്രേമം എന്ന സൂപ്പർഹിറ്റ് ചിത്രത്തിലൂടെ മലയാളത്തിൻറെ ഹൃദയം കവർന്ന നടിയാണ് മഡോണ സെബാസ്റ്റ്യൻ. പിന്നീട് കിംഗ് ലയറും ഇബ്ലീസും അടക്കം നിരവധി ചിത്രങ്ങളിൽ വേഷമിട്ടു. മലയാളത്തിനു പുറമെ തമിഴിലും തെലുങ്കിലും മഡോണ അഭിനയിച്ചു. ഒരു കന്നഡ ചിത്രം പുറത്തുവരാനുമുണ്ട്. പൃഥ്വിരാജ് നായകനായ ബ്രദേഴ്സ് ഡേ ആണ് താരം അഭിനയിച്ച് അവസാനമായി റിലീസായ മലയാളചിത്രം.

സമൂഹമാധ്യമങ്ങളിലും ആക്ടീവ് ആയി നിൽക്കുന്ന താരമാണ് മഡോണ. തന്റെ ചിത്രങ്ങളും ചില ഫോട്ടോഷൂട്ടുകളുമൊക്കെ പങ്കുവയ്ക്കുന്ന മഡോണ സോഷ്യൽ മീഡിയയുടെ തല്ലലും തലോടലും ഒരുപോലെ നേരിട്ടിട്ടുണ്ട്. ഇപ്പോഴിതാ വിവാഹവേഷത്തിലുള്ള ചിത്രം പങ്കുവെച്ചിരിക്കുകയാണ് താരം.ചിത്രങ്ങൾ കണ്ട ആരാധകർ അക്ഷരാർത്ഥത്തിൽ ഞെട്ടിയിരിക്കുകയാണ്. ബ്രെെഡൽ ലുക്കിൽ അതിസുന്ദരിയായാണ് മഡോണ എത്തിയിരിക്കുന്നത്. ഇതോടെ താരത്തിന്റെ കല്യാണം കഴിഞ്ഞോ എന്നായി ആരാധകരുടെ സംശയം.മാജിക് മോഷൻ മീഡിയയാണ് ചിത്രങ്ങൾ പകർത്തിയിരിക്കുന്നത്.

കല്യാണമാണെന്ന് കരുതി നിരവധി ആരാധകർ താരത്തിന് ആശംസകൾ നേരുന്നുണ്ട്.എന്നാൽ മഡോണ തന്നെ സംഭവത്തിന്റെ സത്യാവസ്ഥ തുറന്നുപറഞ്ഞു. ചിത്രങ്ങൾ തന്റെ വിവാഹത്തിന്റേതല്ലെന്നും പുതിയ വെഡ്ഡിങ് സീരിസ് ഫോട്ടോഷൂട്ട് മാത്രമാണെന്നും മഡോണ പറഞ്ഞു.