മമ്മൂക്ക വളരെ സിംപിളാണ്, ജാഡയില്ലാത്ത വ്യക്തി- മന്യ

മലയാളികളുടെ പ്രിയപ്പെട്ട നടിയാണ് മന്യ. ജോക്കർ എന്ന ചിത്രത്തിലെ കമലയായി മലയാളി പ്രേക്ഷകരുടെ പ്രിയ താരമായി മാറാൻ മന്യ്ക്ക് സാധിച്ചു. പിന്നീട് സൂപ്പർ താരങ്ങളുടെ അടക്കം നായികയായി. മമ്മൂട്ടി, സുരേഷ് ഗോപി, ജയറാം, ദിലീപ്, പൃഥ്വിരാജ് ഉൾപ്പെടെയുളള താരങ്ങളുടെ സിനിമകളിലെല്ലാം മന്യ ഭാഗമായി. മലയാളത്തിന് പുറമെ തമിഴ്, തെലുങ്ക്, കന്നഡ ഭാഷകളിലും മന്യ അഭിനയിച്ചു. ഇപ്പോളിതാ രാക്ഷസരാജാവ് സിനിമ ഷൂട്ടിം​ഗിനെക്കുറിച്ചും മമ്മൂട്ടിയെക്കുറിച്ചും സംസാരിക്കുകയാണ് താരം, ാവക്കുകൾ,

രാക്ഷസരാജാവ് സെറ്റിലാണ് ഞാൻ മമ്മൂക്കയെ ആദ്യമായി കാണുന്നത്. പൊലീസ് വേഷത്തിൽ മമ്മൂക്ക വരുന്നത് കണ്ടപ്പോൾ തന്നെ ഞെട്ടി. അത്രയും സുന്ദരനായാണ് അദ്ദേഹത്തെ കാണപ്പെട്ടത്. നല്ല ഭംഗിയുണ്ടായിരുന്നു. മമ്മൂക്ക വളരെ സിംപിളാണ്. ജാഡയില്ലാത്ത വ്യക്തി. ലോകത്തിലെ എല്ലാ കാര്യങ്ങളെ കുറിച്ചും അദ്ദേഹം അപ്റ്റുടേറ്റഡ് ആണ്. എന്റെ അമ്മയ്ക്കും അദ്ദേഹത്തെ വളരെ ഇഷ്ടമാണ്. രാക്ഷസരാജാവിന്റെ സെറ്റിലേക്ക് വരുമ്ബോൾ വീട്ടിൽ നിന്ന് ഭക്ഷണവും മമ്മൂക്ക കൊണ്ടുവരും.

ഉച്ചഭക്ഷണം കഴിക്കുന്ന സമയത്ത് എന്റെ അമ്മയുമായി ആ ഭക്ഷണം പങ്കുവച്ചിട്ടുണ്ട്. അമ്മ നോൺ വെജ് കഴിക്കും. ഞാൻ വെജ് മാത്രമേ കഴിക്കൂ. ഒരു ദിവസം മമ്മൂക്ക കൊണ്ടുവന്ന മീൻകറി എന്റെ അമ്മയ്ക്ക് നൽകി. ആ മീൻകറി അത്ര രുചിയായിരുന്നെന്ന് അമ്മ എപ്പോഴും പറയും. ഇന്നുവരെ അത്രയും രുചികരമായ മീൻകറി താൻ കഴിച്ചിട്ടില്ലെന്നാണ് അമ്മ ഇപ്പോഴും പറയുന്നത്. ഒരു തവണ കൂടി മമ്മൂക്കയ്‌ക്കൊപ്പം അഭിനയിക്കണമെന്ന് എനിക്ക് ആഗ്രഹമുണ്ട്,’