മാറിടത്തിന്റെ വലിപ്പം എത്ര? ഒരു ദിവസം എത്ര തവണ സെക്സ് ചെയ്യും? സജാദ് ഖാനെതിരെ ലൈംഗികാരോപണവുമായി നടി റാണി ചാറ്റര്‍ജി.

സിനിമാ സംവിധായകനും ബിഗ്‌ബോസ് 16 മത്സരാര്‍ഥിയുമായ സജാദ് ഖാനെതിരെ ലൈംഗികാരോപണ വുമായി ബോജ്പുരി നടി റാണി ചാറ്റര്‍ജി. സിനിമയില്‍ ഡാന്‍സിന് അവസരം നല്‍കാമെന്ന് പറഞ്ഞ് വീട്ടില്‍ വിളിച്ചുവരുത്തിയ ശേഷം സജാദ് ഖാന്റെ ഭാഗത്ത് നിന്നുണ്ടായ കാര്യങ്ങളാണ് നടി വെളിപ്പെടുത്തിയിരിക്കുന്നത്.

ബോജ്പുരി നടി റാണി ചാറ്റര്‍ജി, ബോളിവുഡ് ഹംഗാമാ ഡോട്ട് കോമിന് നല്‍കിയ അഭിമുഖത്തിനിടെയാണ് ഇക്കാര്യം വെളിപ്പെടുത്തിയിരിക്കുന്നത്. 2013ല്‍ അജയ്‌ദേവ്ഗണ്‍ നായകനായ ചിത്രം ഹിമ്മത്ത്‌വാല എന്ന ചിത്രത്തിന്റെ ഷൂട്ടിങ്ങിനിടെ’ ധോക്ക, ധോക്ക’ എന്ന ഡാന്‍സ് രംഗം വാഗ്ദാനം ചെയ്യുകയായിരുന്നു സംവിധായകൻ. ഇതിന്റെ അടിസ്ഥാനത്തില്‍ അദ്ദേഹവുമായി ബന്ധപ്പെട്ടപ്പോള്‍ സിനിമയെ കുറിച്ച് സംസാരിക്കാന്‍ വീട്ടിലേക്ക് വിളിക്കുകയാണ് ഉണ്ടായത്. എന്നാല്‍ ഇക്കാര്യം ചിത്രത്തിന്റെ പിആര്‍ഓയോ മാനേജരെയോ അറിയിക്കേണ്ടതില്ലെന്നും സജാദ് ഖാൻ നടിയോട് പറഞ്ഞു.

സംസാരിക്കുന്നതിനിടെ കാലുകള്‍ കാണുന്ന തരത്തില്‍ ലെഹങ്ക ധരിക്കാൻ സജാദ് ആവശ്യപ്പെട്ടു. സജാദിന്റെ വാക്കുകള്‍ വിചിത്രമായി തോന്നിയെങ്കിലും ഓഡിഷന്റെ ഭാഗമാണെന്ന് കരുതി റാണി ചാറ്റര്‍ജി അങ്ങനെ ചെയ്യുകയായിരുന്നു. പിന്നീടുളള ചോദ്യം മാറിടത്തിന്റെ വലിപ്പത്തെ കുറിച്ചായിരുന്നു. മാറിടത്തിന്റെ വലിപ്പമാണ് പിന്നീട് അറിയേണ്ടിയിരുന്നത്. തൊട്ടുപിറകെ ഒരു ദിവസം എത്രതവണ ലൈംഗിക ബന്ധത്തില്‍ ഏര്‍പ്പെടുമെന്നും ചോദിച്ചു കൊണ്ട് അനുചിതമായി സ്പര്‍ശിച്ചതായും നടി പറയുന്നു. തുടര്‍ന്ന് റാണി ചാറ്റര്‍ജി അവിടെ നിന്ന് ഓടി രക്ഷപ്പെടുകയായിരുന്നു.