ക്വാളിറ്റിയുടെ കാര്യത്തിൽ വിട്ടുവീഴ്ചക്ക് തയ്യാറല്ല,പക്ക പ്രൊഫഷണലായിട്ടാണ് കാര്യങ്ങൾ ചെയ്യുന്നത്- രേഖ രതീഷ്

ആയിരത്തിൽ ഒരുവൾ,പര്‌സപരം എന്നീ സീരിയലുകളിലൂടെ പ്രേക്ഷകർക്ക് സുപരിചിതയായ നടിയാണ് രേഖ രതീഷ്.സീരിയയിൽ നല്ലൊരു അമ്മയും അമ്മായി അമ്മയുമായി പ്രേക്ഷകരുടെ മനസ്സിൽ ഇടംപിടിച്ച രേഖയ്ക്ക് വ്യക്തി ജീവിതത്തിൽ വിജയം കൈവരിക്കാൻ ആയില്ലമാത്രമല്ല സ്ഥിരം ഗോസിപ്പു കോളങ്ങളിൽ ഇടംപിടിക്കാറും ഉണ്ട് താരം.അതിൽ പ്രധാനം വിവാഹവും കുടുംബ ജീവിതവും തന്നെയാണ്.രേഖ രതീഷ് എന്ന് ഗൂഗിളിൽ സെർച്ച് ചെയ്താൽ കിട്ടുന്നതും നടിയെ കുറിച്ചുള്ള അപവാദകഥകളാണ്.

ഇപ്പോളിതാ പുതിയ യുട്യൂബ് ചാനലുമായി രം​ഗത്തെത്തിയിരിക്കുകയാണ് താരം.ടെലിവിഷൻ താരങ്ങളെ ഉൾപ്പെടുത്തിയുള്ള പരിപാടിയാണ് താരം ചെയ്യുന്നത്.ചോദ്യോത്തരങ്ങൾ മാത്രമായിരിയ്ക്കില്ല ചെറിയ ചില ഗെയിമുകളും ഷോയിൽ ഉണ്ടാവും എന്ന് രേഖ വ്യക്തമാക്കി. ഒരു ഫൺ റൈഡ് ആണ് ഷോ കൊണ്ട് ഉദ്ദേശിയ്ക്കുന്നത്. രണ്ട് എപ്പിസോഡുകൾ പുറത്ത് വന്നപ്പോഴേക്കും ആളുകളിൽ നിന്നും നല്ല പ്രതികരണമാണ് ലഭിയ്ക്കുന്നത്.

നാല് ക്യാമറകൾ ഉപയോഗിച്ച് പക്ക പ്രൊഫഷണലായിട്ടാണ് ചിത്രീകരിയ്ക്കുന്നത്. ഒരു ദിവസത്തെ ഷൂട്ടിങിന് മാത്രം ഒരു ലക്ഷത്തി ഇരുപത്തിയഞ്ചായിരം രൂപയാവും. ക്വാളിറ്റിയുടെ കാര്യത്തിൽ ഒരു വിട്ട് വീഴ്ചയ്ക്കും തയ്യാറല്ല എന്ന് രേഖ പറഞ്ഞു.

രേഖയ്ക്ക് യഥാർഥത്തിൽ ഒരു മകനാണ് ഉള്ളത്.രേഖയോടൊപ്പം അയാനും ടിക്ക് ടോക്ക് വീഡിയോയിൽ പ്രത്യക്ഷപ്പെട്ടിട്ടുണ്ടായിരുന്നു.തന്റെ മകനുവേണ്ടി ഉള്ളതാണ് ഇനി തന്റെ ജീവിതം എന്ന് പലപ്പോഴും രേഖ തുറന്നുപറഞ്ഞിട്ടുമുണ്ട്മഴവിൽ മനോരമ സംപ്രേക്ഷണം ചെയ്യുന്ന മഞ്ഞിൽ വിരിഞ്ഞ പൂക്കൾ,സീ കേരളം അവതരിപ്പിക്കുന്ന പൂക്കാലം വരവായി എന്നീ പരമ്പരകളിലാണ് ഇപ്പോൾ രേഖ അഭിനയിക്കുന്നത്.