മുസ്ലിം എന്ന നിലയിലും ഇസ്ലാമിലെ സ്ത്രീയെന്ന നിലയിലും എനിക്കെന്നെ നഷ്ടപ്പെട്ടിരുന്നു, മതത്തിലേക്കുള്ള തിരിച്ചുവരവിനെക്കുറിച്ച് സനഖാൻ

ബോളിവുഡ് സിനിമാ ലോകത്ത് നിന്നും കുടുംബ ജീവിതത്തിലേക്കും ആത്മീയതയിലേക്കും തിരിഞ്ഞ നടിയായിരുന്നു സന ഖാൻ. മൂന്ന് വർഷങ്ങൾക്ക് മുൻപ് ആയിരുന്നു സനയുടെ വിവാഹം. ഗുജറാത്തിലെ സൂറത്ത് സ്വദേശി മുഫ്തി അനസ് ആണ് ഭർത്താവ്. തന്റെ വിശേഷങ്ങൾ സന സോഷ്യൽ മീഡിയയിൽ പങ്കുവെയ്ക്കാറുണ്ട്.

കരിയറിൽ വഴിത്തിരവുണ്ടായ ഘട്ടത്തിലാണ് എല്ലാം വേണ്ടെന്ന് വെച്ച്‌ മത വിശ്വാസത്തിലൂന്നിയ ജീവിതം തെരഞ്ഞെടുത്തതെന്ന് സന ഖാൻ പറയുന്നു. ഉള്ളിൽ എനിക്കെന്നെത്തന്നെ നഷ്ടപ്പെട്ടിരുന്നു. ഒരു മുസ്ലിം എന്ന നിലയിലും ഇസ്ലാമിലെ സ്ത്രീയെന്ന നിലയിലും എനിക്കെന്നെ നഷ്ടപ്പെട്ടിരുന്നു. ഈ ഇൻഡ്സ്ട്രിയിൽ നിലനിൽക്കാൻ പറ്റില്ലെന്ന് തോന്നിയിരുന്നു. ഈ രംഗത്ത് പ്രായമോ സ്ഥാനമോ പ്രശ്നമല്ല. വർക്ക് ലഭിക്കും.

പക്ഷെ സിനിമാ രംഗത്തോട് അകൽച്ച തോന്നി. ഞാനീ രംഗത്തിന് പറ്റിയ ആളല്ലെന്ന് എപ്പോഴും തോന്നിയിരുന്നു. കരിയറിൽ സജീവമായിരുന്ന കാലത്ത് തനിക്ക് പല കാര്യങ്ങളോടും ഒത്ത് പോകാൻ കഴിഞ്ഞില്ല. പിആർ വേണം, പാർട്ടിക്കും മറ്റും പോകുകയും വേണമെന്ന് പലരും പറയുമായിരുന്നു. കുറച്ചൊക്കെ ഞാനും അങ്ങനെ ചെയ്തിട്ടുണ്ട്. പക്ഷെ താനങ്ങനെയൊരു വ്യക്തിയല്ല

അന്ന് ചെയ്യുന്ന കാര്യങ്ങളൊന്നും ഇഷ്ടമല്ലായിരുന്നു. ഈ വസ്ത്രം എന്തിനാണ് ധരിക്കുന്നത്, ഇതെനിക്ക് ചേരുന്നില്ല എന്നൊക്കെ തോന്നും. പക്ഷെ ട്രെൻഡിന് പിന്നാലെ പോകണം. ഉള്ളിലെ സമാധാനം പോയിരുന്നു. വ്യക്തി ജീവിതത്തിലുണ്ടായ ചില പ്രശ്നങ്ങൾ മാനസികമായി തകർത്തി. ഈ സാഹചര്യത്തിലാണ് മതത്തിലേക്ക് കൂടുതൽ അടുത്തത്.

ഗ്ലാമർ ലോകത്ത് നിന്ന് വിടപറഞ്ഞ് ആത്മീയ വഴി തിരഞ്ഞെടുത്ത ആളാണ് മുൻ ബിഗ് ബോസ് താരം കൂടിയായ സന ഖാൻ. ടെലിവിഷൻ റിയാലിറ്റി ഷോ ആയ ബിഗ് ബോസിൻറെ ആറാം സീസണിലെ ശ്രദ്ധേയ മത്സരാർഥിയുമായിരുന്ന സന സെക്കൻഡ് റണ്ണർ അപ്പും ആയിരുന്നു. 2020 ഒക്ടോബറിൽ ആണ് സിനിമാ മേഖല പൂർണ്ണമായും ഉപേക്ഷിക്കുന്നതായും ആത്മീയതയുടെ പുതിയ വഴി തിരഞ്ഞെടുക്കുന്നതായും സന ഖാൻ അറിയിച്ചത്ന ടിയും മോഡലും നർത്തകിയുമായിരുന്ന സന ഖാൻ ഹിന്ദി, മലയാളം, തമിഴ്, കന്നഡ, തെലുങ്ക് സിനിമകളിൽ അഭിനയിച്ചിട്ടുണ്ട്.