മാനസിക സമ്മർദ്ധത്തിലായിരുന്നു, അതി ജീവിക്കാൻ ബുദ്ധിമുട്ടി- ഉമ നായർ

വാനമ്പാടി പരമ്പരയിലെ കേന്ദ്ര കഥാപാത്രമായ അനുമോളുടെ വല്യമ്മയായി വന്ന് ആരധകരുടെ മനം കവർന്ന കഥാപത്രമാണ് നിർമ്മല. ഈ കഥാപാത്രത്തെ അവതരിപ്പിക്കുന്നത് ഉമാ നായരാണ്. മകളുടെ അഭിനയ മോഹം മനസിലാക്കി സ്വന്തം പിതാവ് നിർമ്മിച്ച ഷോർട്ട് ഫിലിമുകളിലുടെയായിരുന്നു ഉമ അഭിനയിച്ച് തുടങ്ങിയത്. പിന്നീട് ദൂരദർശനിലെ ഷോർട്ട് ഫിലിമിൽ അഭിനയിച്ചാണ് നടി ശ്രദ്ധിക്കപ്പെട്ടു തുടങ്ങിയത്. തമിഴിലടക്കം പല സിനിമകളിലും അഭിനയിച്ച നടി ദൂരദർശനിലെ സീരിയലുകളിൽ ബാലതാരമായി അഭിനയിച്ചാണ് വളർന്നത്. ശേഷം മെഗാ സീരിയലുകളിലുടെ സജീവമാവുകയായിരുന്നു

പല സീരിയലുകളിലും അമ്മയുടെയും ചേച്ചിയുടെയുമൊക്കെ വേഷമാണ് ഉമ ചെയ്തിരുന്നത്. ഇവയെല്ലാം പ്രേക്ഷകർക്ക് പ്രിയപ്പെട്ടവയായിരുന്നു. ഉമ നായർ അമ്പതിലധികം സീരിയലുകളിലാണ് അഭിനയിച്ചിരിക്കുന്നത്. ഇടക്കാലത്ത് അഭിനയത്തിൽ നിന്നും മാറി നിന്നിരുന്നെങ്കിലും വീണ്ടും സജീവമാവുകയായിരുന്നു. ഇപ്പോഴിതാ ലോക്ക് ഡൗണിൽ ഷൂട്ടിം​ഗ് ഇല്ലാതിരുന്ന സമയത്തെക്കുറിച്ച് തുറന്ന് പറയുകയാണ് താരം. മാനസികമായി ആ സമയത്ത് കടുത്ത സമ്മർദ്ദങ്ങളിലൂടെയായിരുന്നു കടന്നുപോയത്. സ്‌കീനിൽ സമ്പന്നരാണെങ്കിലും പലരും യഥാർത്ഥ ജീവിതത്തിൽ അങ്ങനെയല്ല.

ഷൂട്ടിംഗ് ക്യാൻസലായതോടെ സങ്കടത്തിലായിരുന്നു. അടുത്തിടെയാണ് തുടങ്ങിയത്. കുടുംബത്തിലെ വരുമാനമുള്ള ഒരേയൊരാൾ എന്ന നിലയിൽ ഈ സമയത്തെ അതിജീവിക്കാൻ ബുദ്ധിമുട്ടിയിരുന്നു. ഷൂട്ടിംഗ് വീണ്ടും ആരംഭിച്ചതിൽ സന്തോഷമുണ്ട്. ഇപ്പോൾ പ്രശ്‌നമൊന്നുമില്ലെന്നും താരം പറയുന്നു.ഇത് തന്റെ മാത്രം കാര്യമല്ലെന്നും ഈ മേഖലയിൽ പ്രവർത്തിക്കുന്ന പലരും കടന്നുപോയത് ഇത്തരമൊരു അവസ്ഥയിലൂടെയാണെന്നും താരം പറയുന്നു.