അങ്ങോട്ട് ഉടനെ വരുന്നുണ്ട് ഉമ്മച്ചൻമാരെ കാണണം- ആദിത്യൻ

സീത എന്ന സീരിയലിൽ നിന്നും തുടങ്ങി ആ കെമിസ്ട്രി ജീവിതത്തിലേക്ക് പകർത്തിയവരാണ് അമ്പിളി ദേവിയും ആദിത്യനും. സോഷ്യൽ മീഡിയയിൽ സജീവമായിട്ടുള്ള താരം വിശേഷങ്ങളെല്ലാം പങ്കുവെച്ച് ‍‍‍എത്താറുണ്ട്. ആദ്യ വിവാഹ ബന്ധം വേർപെടുത്തിയതിനുശേഷമാണ് അമ്പിളി ദേവി ആദിത്യനെ വിവാഹം കഴിക്കുന്നത്. യുവജനോത്സവ വേദിയിൽ നിന്നും അഭിനയത്തിലെത്തിയ അമ്പിളി ദേവി വിവാഹശേഷം ഇടവേളയെടുത്തിരിക്കുകയാണ്.

മക്കളുടെ വിശേഷങ്ങളും ചിത്രങ്ങളും വീഡിയോയുമൊക്കെ പങ്കുവെച്ച് ആദിത്യനും അമ്പിളി ദേവിയും എത്താറുണ്ട്. നിമിഷനേരം കൊണ്ടാണ് ആരാധകർ പോസ്റ്റുകൾ ഏറ്റെടുക്കാറുള്ളത്. ഇപ്പോളിതാ അമ്പിളി ദേവിയുടെ പുതിയ പോസ്റ്റും ആദിത്യന്റെ കമന്റുമാണ് ശ്രദ്ധ നേടുന്നത്. ലോക്ക് ഡൗൺ കാരണം അമ്പിളി ദേവിയും ആദിത്യനും ഒരുമിച്ചല്ല താമസം.

മുല്ല എന്ന ചിത്രത്തിലെ കണ്ണിൻ വാതിൽ ചാരാതെ എന്ന ഗാനത്തിനൊപ്പം മക്കളുടെ മനോഹരനിമിഷങ്ങൾ ചേർത്തായിരുന്നു അമ്പിളി ദേവി എത്തിയത്. കുഞ്ഞനിയനെ ഓമനിക്കുന്ന അപ്പുവിനെയാണ് വീഡിയോയിൽ കാണാൻ സാധിക്കുന്നത്. ‌നിരവധി ആളുകളാണ് വീഡിയോക്ക് കമന്റുകളുമായെത്തിയിരുന്നു. ക്യൂട്ട് വീഡിയോയും സ്വീറ്റ് കമന്റുമെന്നുമായിരുന്നു ആരാധകർ പറഞ്ഞത്. നിമിഷനേരം കൊണ്ടായിരുന്നു വീഡിയോ വൈറലായി മാറിയത്. എന്നും എപ്പോഴും ഈ സന്തോഷം നിലനിർത്താൻ നിങ്ങൾക്ക് കഴിയട്ടെ, ദൈവം അനുഗ്രഹിക്കട്ടെയെന്നായിരുന്നു ഒരാളുടെ കമന്റ്. വീഡിയോയിലെ ആദ്യത്തെ കമന്റ് ആദിത്യന്റേതായിരുന്നു. എന്താ പറയേണ്ടത്, ഞാൻ അങ്ങോട്ട് വരുന്നുണ്ട്, ഉമ്മച്ചൻമാര് എന്നായിരുന്നു ആദിത്യന്റെ കമന്റ്.