തിരുവനന്തപുരം: സാങ്കേതിക സർവകലാശാലാ വി.സി പ്രൊഫ. സിസാ തോമസിനെ ഗവർണറും സർക്കാരും തമ്മിലുള്ള പോരിൽ ബലിയാടാക്കരുതെന്ന് അഡ്മിനിസ്ട്രേറ്റീവ് ട്രൈബൂണൽ. വി.സി ചുമതലയേറ്റതിൽ സർക്കാരിന്റെ അനുമതി തേടാതിരുന്നതിനെ തുടർന്നാണ് സിസാ തോമസിന് കാരണം കാണിക്കൽ നോട്ടീസ് സർക്കാർ അയച്ചത്.
ഇതിനെതിരെ സിസാ തോമസ് നൽകിയ ഹർജി പരിഗണിക്കുന്നതിനിടെയാണ് ഗവർണറും സർക്കാരും തമ്മിലുള്ള പോരിൽ സിസാ തോമസിനെ ബലിയാടാക്കരുതെന്ന് അഡ്മിനിസ്ട്രേറ്റീവ് ട്രൈബൂണൽ പറഞ്ഞത്.
സർക്കാർ നിയമം നടപ്പാക്കുമ്പോൾ നേരായ രീതിയും തുറന്ന മനസുമാവണം ഉണ്ടാകേണ്ടതെന്ന് ജസ്റ്റിസ് പി. വി. ആശയും ഡോ. പ്രദീപ് കുമാറും അടങ്ങിയ ഡിവിഷൻ ബഞ്ച് പറഞ്ഞു.32 വർഷം കളങ്കരഹിതമായി സേവനം ചെയ്ത ഉദ്യോഗസ്ഥയെ സമാധനപൂർണ്ണമായ വിരമിക്കലിന് സർക്കാർ അനുവദിക്കുമെന്ന് പ്രതീക്ഷിക്കുന്നതായി ഉത്തരവിലുണ്ട്.
വിസിയായി ചുമതലയേറ്റെടുത്തപ്പോൾ മുതൽ സർക്കാർ പ്രതികാര നടപടി ആരംഭിച്ചെന്ന സിസാ തോമസിന്റെ വാദം ശെരിവെച്ചു. അയോഗ്യയാക്കണമെന്ന ഹർജി ഹൈക്കോടതി തള്ളിയതിന് പിന്നാലെ സിസയെ സ്ഥലം മാറ്റിയതും ട്രൈബ്യൂണൽ ഇടപെട്ട ശേഷം തിരുവനന്തപുരത്ത് തന്നെ നിയമനം നൽകിയതും ഉടനടി ഷോകോസ് നൽകിയതുമെല്ലാം അവരുടെ വാദം ശരിവയ്ക്കുന്നതാണ്.
വി.സിയുടെ അധിക ചുമതല കുറ്റകരമാണോയെന്ന് പരിശോധിക്കേണ്ടത് സർക്കാരാണ്. അധിക വേതനം കൈപ്പറ്റാതെയുളള അധിക ചുമതല ചട്ടവിരുദ്ധമാകുമോ എന്നതടക്കമുള്ള കാര്യങ്ങൾ പ്രത്യേകമായി പരിഗണിക്കണമെന്നും ട്രൈബ്യൂണൽ നിർദ്ദേശിച്ചു. സിസ തോമസിന് പറയാനുള്ളത് കേൾക്കാൻ സർക്കാർ തയ്യാറാവണമെന്നും ട്രൈബ്യൂണൽ നിർദ്ദേശിച്ചു.
തിരുവല്ല : ബാർ പരിസരത്ത് തമ്മിൽത്തല്ല് . ബാറിനുള്ളിൽ ഉണ്ടായ തർക്കമാണ് പുറത്ത് തമ്മിലടിയിൽ കലാശിച്ചത്. തിരുവല്ല വളഞ്ഞവട്ടം ഇന്ദ്രപ്രസ്ഥ…
ന്യൂഡല്ഹി: ട്രെയിന് യാത്രയ്ക്കിടെ ബര്ത്ത് പൊട്ടി വീണ് യുവാവ് മരിച്ച വാർത്തയ്ക്ക് പിന്നാലെ വിശദീകരണവുമായി റെയിൽവേ. ബര്ത്ത് പൊട്ടി വീണല്ല…
കോഴിക്കോട് : ആരോഗ്യപ്രശ്നങ്ങളെ തുടർന്ന് ആശുപത്രിയിൽ പ്രവേശിപ്പിച്ച പന്ത്രണ്ടുവയസുകാരന് അമീബിക് മസ്തിഷ്ക ജ്വരത്തിന്റെ ലക്ഷണങ്ങൾ. ഫറൂഖ് കോളേജ് ഇരുമൂളിപ്പറമ്പ് സ്വദേശിയെയാണ്…
ലോക്സഭയിലെ പ്രതിപക്ഷ നേതാവെന്ന നിലയിൽ രാഹുൽ ഗാന്ധി ചമതല ഏറ്റെടുത്തു. ഒരു പതിറ്റാണ്ടിനു ശേഷമാണ് കോൺഗ്രസ് ഇത് തിരിച്ച് പിടിക്കുന്നത്.ഇനി…
ന്യൂഡൽഹി∙ ഭരണഘടനയെ പാർലമെന്റിൽ കൊണ്ടുനടക്കുകയും നാടകം കളിക്കുകയും ചെയ്യുന്നവരുടെ തെറ്റായ പ്രവൃത്തികൾ സെപ്റ്റംബർ 6ന് വെളിപ്പെടുമെന്ന് നടിയും ലോക്സഭാംഗവുമായ കങ്കണ…
മലപ്പുറം: എടവണ്ണയിൽ ഓടിക്കൊണ്ടിരിക്കെ ഇലക്ട്രിക് സ്കൂട്ടർ കത്തിനശിച്ചു. രാവിലെ 10.30- ഓടെ പത്തപ്പിരിയം വായനശാലക്ക് സമീപമാണ് സംഭവം. എടവണ്ണ പുള്ളാട്ട്…