അടൂര്‍ സാറിന് ലാലേട്ടന്‍ ഗുണ്ടയായിട്ട് തൊന്നുന്നുണ്ടാകും, പക്ഷേ, ഞങ്ങള്‍ക്ക് തോന്നുന്നില്ല

മോഹന്‍ലാലിനെ വെച്ച് സിനിമ ചെയ്യില്ലെന്ന സംവിധായകന്‍ അടൂര്‍ ഗോപാലകൃഷ്ണന്റെ പ്രസ്താവന വലിയ വിവാദങ്ങൾക്ക് വഴിയൊരുക്കിയിരുന്നു. മോഹന്‍ലാലിന് നല്ലവനായ റൗഡി എന്ന ഇമേജാണ് ഉള്ളതെന്നായിരുന്നു അടൂര്‍ ഇതിനു പറഞ്ഞ കാരണം. ഇതോടെ അടൂരിനെതിരെ വലിയ വിമര്‍ശനവും ഉയർന്നു. മലയാളത്തിന്റെ നല്ല സിനിമാക്കാരൻ എന്ന പടുത്തുയർത്തിയ ഇമേജുകളെല്ലാം ഇതോടെ നിലം പൊത്തുന്ന കാഴ്ചയാണ് കേരളക്കര കണ്ടത്. ഇപ്പോള്‍ ഇതാ അടൂരിനെതിരെ രംഗത്തെത്തിയിരിക്കുകയാണ് നടന്‍ ധര്‍മ്മജന്‍.

മോഹന്‍ലാലിന്റെ നല്ല സിനിമകള്‍ കണ്ടിട്ടില്ലാത്തതിനാലാണ് അദ്ദേഹം ഗുണ്ടയാണെന്ന് അടൂര്‍ സാറിന് തോന്നുന്നതെന്ന് ധര്‍മ്മജന്‍ പറഞ്ഞു. ഏയ് ഓട്ടോ, ടി.പി ബാലഗോപാലന്‍ എം.എ, വെള്ളാനകളുടെ നാട്, കിരീടം എന്നീ സിനിമകളില്‍ മോഹന്‍ലാല്‍ സാധാരണക്കാരനായാണ് അഭിനയിച്ചത്. അടൂര്‍ സാറിന് ലാലേട്ടന്‍ ഗുണ്ടയായിട്ട് തോന്നുന്നുണ്ടാകും, പക്ഷേ ഞങ്ങള്‍ക്ക് തോന്നുന്നില്ല – ധര്‍മ്മജന്‍ പറയുന്നു.

ധര്‍മ്മജന്റെ ഫേസ്ബുക്ക് പോസ്റ്റിന്റെ പൂര്‍ണരൂപം ഇങ്ങനെ:

അടൂര്‍ സാറിനോട് രണ്ട് വാക്ക് പറയണമെന്ന് തോന്നിയത് കൊണ്ടാണ്.. എന്ന് പറഞ്ഞുകൊണ്ടാണ് ധര്‍മ്മജന്‍ തന്റെ പോസ്റ്റ് തുടങ്ങുന്നത്. മോഹന്‍ലാല്‍ എന്ന നടന്‍ ഞങ്ങള്‍ക്ക് വലിയ ആളാണ്. അടൂര്‍ സാര്‍ മോഹന്‍ലാലിന്റെ നല്ല സിനിമകള്‍ കണ്ടിട്ടില്ലാത്തത് കൊണ്ടാണ്, മോഹന്‍ലാലിനെ ഗുണ്ടയായിട്ട് കാണുന്ന അടൂര്‍ സാറിനോട് ഞങ്ങള്‍ക്ക് അഭിപ്രായമില്ല. സാര്‍ മോഹന്‍ലാല്‍ സാധാരണക്കാരനായിട്ട് അഭിനയിച്ച ഒരുപാട് സിനിമകളുണ്ട്. ഏയ് ഓട്ടോ, ടി.പി ബാലഗോപാലന്‍ എം.എ, വെള്ളാനകളുടെ നാട്, കിരീടം തുടങ്ങി ഒരുപാട് സിനിമകളുണ്ട്. അടൂര്‍ സാറിന് ലാലേട്ടന്‍ ഗുണ്ടയായിട്ട് തൊന്നുന്നുണ്ടാകും, പക്ഷേ, ഞങ്ങള്‍ക്ക് തോന്നുന്നില്ല. അടൂര്‍ സാറിനോടുള്ള എല്ലാ ബഹുമാനവും വെച്ചിട്ട് പറയട്ടെ, സാര്‍ സാറിന്റെ പടത്തില്‍ അഭിനയിപ്പിച്ചിട്ടില്ലെങ്കിലും കുഴപ്പമില്ല, പക്ഷേ മോഹന്‍ലാല്‍ എന്നും വലിയ നടനാണ്, വലിയ മനുഷ്യനാണ്. സാര്‍ സാറിന് പറ്റിയ ആളുകളെകൊണ്ട് അഭിനയിപ്പിച്ചോളൂ, പക്ഷേ ലാലേട്ടന് നേരെ മോശം വാക്കുകള്‍ ഉപയോഗിക്കരുത്.