കൊല്ലത്ത് ഭാര്യയെയും മകളെയും വെട്ടിപ്പരിക്കേല്‍പ്പിച്ച ശേഷം ഭര്‍ത്താവ് തീ കൊളുത്തി മരിച്ചു

കൊല്ലം. ഭാര്യയെയും മകളെയും വെട്ടി പരിക്കേല്‍പ്പിച്ച ശേഷം ഭര്‍ത്താവ് പെട്രോള്‍ ഒഴിച്ച് തീ കൊളുത്തി ആത്മഹത്യ ചെയ്തു. പത്തനാപുരം സ്വദേശികളായ ഭാര്യ അഞ്ജു മകള്‍ ആരുഷ്മ എന്നിവര്‍ക്കാണ് പരിക്കേറ്റത്. ഭര്‍ത്താവ് രൂപേഷാണ് മരിച്ചത്. അഞ്ജുവും മകള്‍ ആരുഷ്മയും തിരുവനന്തപുരം മെഡിക്കല്‍ കോളേജ് ആശുപത്രിയില്‍ ചികിത്സയിലാണ്.

വെള്ളിയാഴ്ച പുലര്‍ച്ചെ മൂന്ന് മണിക്കായിരുന്നു സംഭവം. ഇവര്‍ പത്താനാപുരത്ത് വാടകയ്ക്ക് താമസിക്കുകയായിരുന്നു. പത്തനാപുരം പോലീസും താലൂക്ക് ഫയര്‍ഫോഴ്‌സും തീ അണച്ച ശേഷം രൂപേഷിനെ പുനലൂര്‍ താലൂക്ക് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല.

ഓട്ടോ ഡ്രൈവറായിരുന്നു രൂപേഷ്. ഇരുവരുടെയും പ്രണയ വിവാഹമായിരുന്നു. പോലീസ് സംഭവത്തില്‍ അന്വേഷണം ആരംഭിച്ചു.