ക്യാര്‍ അവസാനിക്കുന്നതിന് മുമ്പ് മഹാ, രണ്ടാം ചുഴലിക്കാറ്റ്, ശക്തമായ മഴയ്ക്കും കാറ്റിനും സാധ്യത

തിരുവനന്തപുരം: ക്യാര്‍ ചുഴലിക്കാറ്റ് ദുര്‍ബലമാകുന്നതിന് മുമ്പ് മറ്റൊരു ചുഴലിക്കാറ്റ് അറബിക്കടില്‍ രൂപപ്പെടുന്നു. മഹാ ചുഴലിക്കാറ്റാണ് രൂപം പ്രാപക്കുന്നത്. അതേസമയം ലക്ഷദ്വീപിന് സമീപമുണ്ടായിരുന്ന ന്യൂനമര്‍ദ്ദം അതിതീവ്ര ന്യൂനമര്‍ദ്ദമായി മാറി. അടുത്ത 24 മണിക്കൂറിനുള്ളില്‍ ചുഴലിക്കാറ്റായി മാറാനാണ് സാധ്യയെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കുന്നു.

മഹാ ചുഴലിക്കാറ്റിന് പേര് നല്‍കിയിരിക്കുന്നത് ഒമാനാണ്. ഒമാന്‍ തീരത്തേക്ക് തന്നെയാകും ചുഴലിക്കാറ്റ് സഞ്ചരിക്കുക. ക്യാര്‍ ചുഴലിക്കാറ്റ് ഇതുവരെ അവസാനിച്ചിട്ടില്ല. സൊകോത്ര ദ്വീപ് ഭാഗത്തേക്ക് നീങ്ങികൊണ്ടിരിക്കുന്നു ക്യാര്‍ നവംബര്‍ മൂന്നാം തിയതിയോടെ ദുര്‍ബലമായേക്കും.

ക്യാര്‍ ചുഴലിക്കാറ്റിന്റെ അതേ സഞ്ചാര പാതയായിരിക്കും മഹായുടെതും. ബംഗാള്‍ ഉള്‍ക്കടലില്‍ രൂപപ്പെട്ട ഫാനി ചുഴലിക്കാറ്റാണ് ഈ വര്‍ഷം ആദ്യമുണ്ടായത്. തുടര്‍ന്ന് അറബിക്കടലിലാണ് ചുഴലിക്കാറ്റുകള്‍ ഉണ്ടായത്. വായു, ഹിക്ക, ക്യാര്‍ ചുഴലിക്കാറ്റുകളാണ് അറബിക്കടലില്‍ ഈ സീസണിലുണ്ടായ മറ്റ് ചുഴലിക്കാറ്റുകള്‍.