അഹാനയണിഞ്ഞ പർപ്പിൾ കളറിലുള്ള ഡ്രസ്സിന്റെ വില കേട്ട് അമ്പരന്ന് സോഷ്യൽ മീഡിയ

മലയാള സിനിമയിൽ യുവ നാടികമാരിൽ തിളങ്ങുകയാണ് നടി അഹാന കൃഷ്ണ. മാലിദ്വീപ് യാത്രയ്ക്കിടയിൽ പകർത്തിയ അഹാനയുടെ ചിത്രങ്ങൾ കഴിഞ്ഞ ദിവസം വൈറലായിരുന്നു. അഹാനയുടെ ഒരുചിത്രവും അതിൽ അഹാന ധരിച്ച ഡ്രസ്സുമാണ് ഇപ്പോൾ ഫാഷൻ പ്രേമികളുടെ ശ്രദ്ധ കവരുന്നത്. ഡച്ച് ബ്രാൻഡായ വെറോമോഡയുടെ പർപ്പിൾ കളറിലുള്ള ടോപ്പിക്കൽ പ്രിന്റ് ടോപ്പാണ് അഹാനയണിഞ്ഞത്. ഇതിന് 2,799 രൂപയാണ് വില.

മാലിദ്വീപ് എന്നറിയപ്പെടുന്ന ഈ പറുദ്ദീസയിൽ രണ്ടുവർഷം മുൻപ് ഞാനുപേക്ഷിച്ച എന്റെ ഹൃദയത്തിന്റെ ഒരു ഭാഗം തേടി ചെന്നപ്പോൾ, എന്ന ക്യാപ്ഷനോടെയാണ് മാലിദ്വീപിൽ നിന്നുള്ള ചിത്രങ്ങൾ അഹാന പങ്കുവച്ചത്.

അടി, നാൻസി റാണി തുടങ്ങിയവയാണ് അഹാനയുടെ പുതിയ സിനിമകൾ. ദുൽഖർ സൽമാന്റെ നിർമ്മാണ കമ്പനിയായ വേഫെയ്റർ ഫിലംസിന്റെ ഏറ്റവും പുതിയ ചിത്രമായ ‘അടി’യിൽ ആണ് അഹാന അവസാനമായി അഭിനയിച്ചത്. ഷൈൻ ടോം ചാക്കോ, ധ്രുവ്, അഹാന കൃഷ്ണ എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്.

ഞാൻ സ്റ്റീവ് ലോപസ് എന്ന ചിത്രത്തിലൂടെ എത്തിയ താരത്തിന് കൈ നിറയെ ചിത്രങ്ങളാണ്. സോഷ്യൽ മീഡിയയിലും ഏറെ സജീവമാണ് അഹാന. അച്ഛനും നടനുമായ കൃഷ്ണകുമാറും അമ്മ സിന്ധുവും നടിയുടെ സഹോദരിമാരും സോഷ്യൽ മീഡിയയിൽ സജീവമാണ്. യൂട്യൂബിലും താര കുടുംബം തിളങ്ങി നിൽക്കുകയാണ്. അഭിനേത്രി എന്നതിന് പുറമേ ഒരു സോഷ്യൽ മീഡിയ ഇൻഫ്‌ളുവൻസർ കൂടിയാണ് അഹാന കൃഷ്ണ.