വിചിത്ര സ്വഭാവമുള്ള ഞാന്‍ കരഞ്ഞാല്‍ എങ്ങനെയുണ്ടാവുമെന്ന് അഹാന

മലയാളികളുടെ പ്രിയപ്പെട്ട നടിയാണ് അഹാന കൃഷ്ണകുമാര്‍. നടന്‍ കൃഷ്ണകുമാറിന്റെ നാല് മക്കളില്‍ മൂത്തവളാണ് അഹാന. സോഷ്യല്‍ മീഡിയകളില്‍ ഏറെ സജീവമാണ് താരം. തന്റെ നിലപാടുകള്‍ തുറന്ന് പറയുന്നതിലും അഹാന മടി കാണിക്കാറില്ല. ഇത്തരത്തില്‍ ചില വിമര്‍ശനങ്ങള്‍ക്കും അഹാന ഇരയായിട്ടുണ്ട്. താരം പങ്കുവെയ്ക്കുന്ന പുതിയ ചിത്രങ്ങളും ഫോട്ടോഷൂട്ട് ചിത്രങ്ങളും വീഡിയോകളുമൊക്കെ ഞൊടിയിണയില്‍ വൈറലാകാറുണ്ട്. ഇപ്പോള്‍ അഹാന പങ്കുവെച്ച ഒരു ചിത്രമാണ് സോഷ്യല്‍ മീഡിയകളില്‍ വൈറല്‍ ആകുന്നത്.

താന്‍ കരഞ്ഞപ്പോഴുളള സെല്‍ഫിയാണ് അഹാന പങ്കുവച്ചിരിക്കുന്നത്. കരയുമ്പോഴുളള തന്റെ ലുക്ക് കാണാനാണ് സെല്‍ഫിയെടുത്തതെന്നുമാണ് അഹാന ചിത്രം പങ്കുവെച്ചുകൊണ്ട് കുറിക്കുന്നത്. വണ്ടര്‍ എന്ന സിനിമയാണ് താന്‍ കരഞ്ഞതിന് കാരണമെന്നും അഹാന പറയുന്നു.

അഹാനയുടെ കുറിപ്പിങ്ങനെ, ‘ഇന്നലെ രാത്രി വണ്ടര്‍ എന്ന വളരെ മനോഹരമായൊരു സിനിമ കണ്ടു. വളരെ മനോഹരവും വൈകാരികവുമായിരുന്നു, വൈകാരിക നിമിഷങ്ങള്‍ കാരണം എന്റെ കണ്ണുനീര്‍ തുടയ്ക്കാന്‍ ഓരോ 5 മിനിറ്റിലും സിനിമ പോസ് ചെയ്യേണ്ടിവന്നു. വിചിത്ര സ്വഭാവമുളള വ്യക്തിയായതിനാല്‍, കരയുമ്‌ബോള്‍ എന്നെ കാണാന്‍ എങ്ങനെയുണ്ട് എന്നറിയാനായി ഞാന്‍ സെല്‍ഫിയെടുത്തു. നിങ്ങളെ കരയിപ്പിക്കുന്ന മനോഹരമായൊരു സിനിമ വേണമെങ്കില്‍, നെറ്റ്ഫ്‌ലിക്‌സില്‍ WONDER കാണുക, പിന്നീട് എനിക്ക് നന്ദി പറയുക. ഇപ്പോള്‍ നിങ്ങള്‍ക്ക് എന്നെ പരിഹസിക്കാം.’