പോസിറ്റീവ് ആയിരിക്കാൻ പഠിപ്പിച്ചതിന് നന്ദി, അച്ഛന് പിറന്നാൾ ആശംസ നേർന്ന് അഹാന

മലയാളികളുടെ പ്രിയപ്പെട്ട നടിയാണ് അഹാന കൃഷ്ണകുമാർ. നടൻ കൃഷ്ണകുമാറിന്റെ നാല് മക്കളിൽ മൂത്തവളാണ് അഹാന. സോഷ്യൽ മീഡിയകളിൽ ഏറെ സജീവമാണ് താരം. തന്റെ നിലപാടുകൾ തുറന്ന് പറയുന്നതിലും അഹാന മടി കാണിക്കാറില്ല. ഇത്തരത്തിൽ ചില വിമർശനങ്ങൾക്കും അഹാന ഇരയായിട്ടുണ്ട്. താരം പങ്കുവെയ്ക്കുന്ന പുതിയ ചിത്രങ്ങളും ഫോട്ടോഷൂട്ട് ചിത്രങ്ങളും വീഡിയോകളുമൊക്കെ ഞൊടിയിണയിൽ വൈറലാകാറുണ്ട്.

ഇപ്പോളിതാ അച്ഛൻ കൃഷ്ണകുമാറിന് പിറന്നാൾ ആശംസ നേർന്നിരിക്കുകയാണ് മകൾ അഹാന കൃഷ്ണ. കൃഷ്ണകുമാറിനൊപ്പമുള്ള കുട്ടിക്കാല ചിത്രവും ഇപ്പോഴുള്ള ചിത്രവും പങ്കു വെച്ചു കൊണ്ടാണ് അഹാനയുടെ ആശംസ. എല്ലാ സാഹചര്യങ്ങളിലും പോസിറ്റീവ് എന്തെങ്കിലും കണ്ടെത്തുന്നത് എങ്ങനെയെന്ന് പഠിപ്പിച്ചതിനു നന്ദിയെന്നും അച്ഛന് സന്തോഷവും ആയൂർ ആരോഗ്യവും നേരുന്നുവെന്നും അഹാന പറഞ്ഞു. സോഷ്യൽ മീഡിയയിൽ നിരവധി ആരാധകരാണ് കൃഷ്ണകുമാറിന്റെ കുടുംബത്തിനുള്ളത്. മമ്മൂട്ടിയുടെ വൺ എന്ന ചിത്രത്തിലൂടെ മൂന്നാമത്തെ മകൾ ഇഷാനിയും വെള്ളിത്തിരയിലെത്തി.

കൃഷ്ണകുമാറിന്റെ 53-ാം ജന്മദിനമാണ് ഇന്ന്. കാശ്മീരം എന്ന സിനിമയിലൂടെയാണ് കൃഷ്ണകുമാർ അഭിനയത്തിലേക്കെത്തുന്നത്. 1994 ലാണ് കൃഷണ കുമാർ കാമുകിയായ സിന്ധുവിനെ വിവാഹം ചെയ്തത്. റ്റാൻഡം എന്ന സ്ഥാപനത്തിൽ വർക്ക് ചെയ്തിരുന്ന സമയത്താണ് കൃഷ്ണകുമാറിനെ സിന്ധു ആദ്യമായി കണ്ടത്. അതെ സമയത്ത് തന്നെ ദൂരദർശനിൽ താരം ഉണ്ടായിരുന്നു. അങ്ങനെ ആദ്യ സിനിമ ഇറങ്ങിയപ്പോൾ തീയേറ്ററിൽ വച്ച് കണ്ടമുട്ടുകയും സംസാരിക്കുകയും പ്രണയത്തിൽ ആവുകയും ചെയ്തെന്ന് കൃഷ്ണകുമാർ നേരത്തെ പറഞ്ഞിട്ടുണ്ട്.