ബിജെപിക്കാരി ആണോ എന്ന ചോദ്യത്തിന് മറുപടി കൊടുത്ത് അഹാന കൃഷ്ണ

മലയാളികളുടെ പ്രിയപ്പെട്ട നടിയാണ് അഹാന കൃഷ്ണകുമാർ. നടൻ കൃഷ്ണകുമാറിന്റെ നാല് മക്കളിൽ മൂത്തവളാണ് അഹാന. സോഷ്യൽ മീഡിയകളിൽ ഏറെ സജീവമാണ് താരം. തന്റെ നിലപാടുകൾ തുറന്ന് പറയുന്നതിലും അഹാന മടി കാണിക്കാറില്ല. ഇത്തരത്തിൽ ചില വിമർശനങ്ങൾക്കും അഹാന ഇരയായിട്ടുണ്ട്. താരം പങ്കുവെയ്ക്കുന്ന പുതിയ ചിത്രങ്ങളും ഫോട്ടോഷൂട്ട് ചിത്രങ്ങളും വീഡിയോകളുമൊക്കെ ഞൊടിയിണയിൽ വൈറലാകാറുണ്ട്.

ഇപ്പോഴിതാ ‘ബിജെപിക്കാരി ആണോ?’ എന്ന് ചോദിച്ചെത്തിയ ഒരു കമന്റിന് മറുപടി നൽകിയിരിക്കുകയാണ് താരം. ചിക്കൻപോക്‌സ് വന്ന നാളുകളിലെ അനുഭവം പങ്കുവച്ച്‌ കുറിച്ച പോസ്റ്റിലാണ് ഒരാൾ ഇത്തരത്തിൽ ചോദ്യവുമായി എത്തിയത്. “ഞാൻ ഒരു മനുഷ്യജീവിയാണ്. അതിൽ കൂടുതൽ മെച്ചപ്പെടാനാണ് ഞാൻ ശ്രമിക്കുന്നത്. നിങ്ങൾക്കെങ്ങനെയാണ്?”, എന്നായിരുന്നു ആ കമന്റിനുള്ള അഹാനയുടെ മറുപടി. മറുപടി കണ്ടയുടൻ കമന്റിട്ടയാൾ ചോദ്യം ഡെലീറ്റ് ചെയ്ത് പോയെന്നും സമാനമായ ചോദ്യം മനസിലുള്ള എല്ലാവരോടും തനിക്ക് പറയാനുള്ളത് ഇത് മാത്രമാണെന്നും അഹാന കുറിച്ചു.

കൃഷ്ണകുമാർ രാഷ്ട്രീയത്തിലേക്ക് ഇറങ്ങിയതും വലയ വാർത്തയായിരുന്നു. തിരുവനന്തപുരം മണ്ഡലത്തിൽ ബിജെപി സ്ഥാനാർത്ഥിയായി കൃഷ്ണകുമാർ മത്സരിച്ചതിന് പിന്നാലെ അഹാന അടക്കം സഹോദരിമാർ സൈബർ ആക്രമണിത്തിന് ഇരയായിരുന്നു. സിനിമയിൽ സജീവമായതുകൊണ്ട് ഏറ്റവും കൂടുതൽ വിവാദങ്ങളും തേടി വന്നത് അഹാനയെ ആയിരുന്നു. ഒപ്പം ദിയ കൃഷ്ണയും സാമനമായ സൈബർ ആക്രമണങ്ങൾ നേരിട്ടിരുന്നു.