പതിമൂന്ന് വര്‍ഷം മുകളിലേക്കും താഴേക്കും, വൈറലായി അഹാനയുടെയും സഹോദരിമാരുടെയും ചിത്രം

മലയാളികളുടെ പ്രിയപ്പെട്ട താര കുടുംബമാണ് കൃഷ്ണകുമാറിന്റേത്. ഭാര്യ സിന്ധുവും നാല് പെണ്‍മക്കളും മലയാളികള്‍ക്ക് സുപരിചിതരാണ്. അഹാനയും സഹോദരിമാരും മലയാളികള്‍ക്ക് ഏറെ പ്രിയപ്പെട്ടവരാണ്. യൂട്യൂബ്, ഫേസ്ബുക്ക്, ഇന്‍സ്റ്റഗ്രാം തുടങ്ങി എല്ലാ സോഷ്യല്‍ മീഡിയകളിലും വലിയ ആരാധക വൃന്ദമുള്ളവരാണ് എല്ലാവരും.

ഇപ്പോള്‍ അഹാന പങ്കുവെച്ച ചിത്രമാണ് സോഷ്യല്‍ മീഡിയകളില്‍ വൈറല്‍ ആകുന്നത്. പതിമൂന്ന് വര്‍ഷം മുകളിലേക്കും താഴേക്കും എന്ന അടിക്കുറിപ്പോടെയാണ് നടി ചിത്രം പങ്കുവെച്ചിരിക്കുന്നത്. ഏറ്റവും ഇളയ സഹോദരിയായ ഹന്‍സിക അഹാനയുടെ കയ്യിലാണ് ഇരിക്കുന്നത്. അഹാനയുടെ വലത് വശത്ത് ദിയയും ഇടത് വശത്ത് ഇഷാനിയുമാണുള്ളത്.

സോഷ്യല്‍ മീഡിയകളിലൂടെയും സിനിമകളിലൂടെയും മലയാളികള്‍ക്ക് പ്രിയങ്കരിയായ നടിയാണ് അഹാന. മറ്റ് സഹോദരിമാരും സോഷ്യല്‍ മീഡിയകളില്‍ നിരവധി ആരാധകരെ സ്വന്തമാക്കിയിട്ടുണ്ട്. കൃഷ്ണകുമാറിനും സിന്ധു കൃഷ്ണകുമാറിനും സോഷ്യല്‍ മീഡിയയില്‍ ആരാധകര്‍ കുറവല്ല. ഇവര്‍ അറിയപ്പെടുന്നത് തന്നെ സോഷ്യല്‍ മീഡിയ കുടുംബമെന്നാണ്.