അമ്മയുടെ 25 വർഷം പക്കമുള്ള ചുരിദാർ ധരിച്ച് അഹാന

മലയാള സിനിമയിൽ യുവ നാടികമാരിൽ തിളങ്ങുകയാണ് നടി അഹാന കൃഷ്ണ. സിനിമയിലെയും ജീവിതത്തിലെയും വിശേഷങ്ങൾ അഹാന സോഷ്യൽ മീഡിയ വഴി ആരാധകരുമായി പങ്കുവയ്ക്കാറുണ്ട്. അതുപോലെ സൈബർ ആക്രമണങ്ങൾക്ക് നിരന്തരം ഇരയാകാറുള്ള നടി കൂടിയാണ് താരം.

അമ്മയുടെ പഴയ ചുരിദാർ ധരിച്ച് പ്രിയപ്പെട്ടൊരു ഓർമയെ ഹൃദയത്തോടു ചേർക്കുകയാണ് അഹാന. അമ്മ സിന്ധുവിന്റെ 25 വർഷം പഴക്കമുള്ള ചുരിദാർ ധരിച്ചാണ് അഹാന പ്രമോഷൻ പരിപാടിയിൽ തിളങ്ങിയത്. . ഷൈൻ ടോം ചാക്കോ നായകനായെത്തുന്ന ‘അടി’ എന്ന ചിത്രത്തിന്റെ പ്രമോഷനിലാണ് അമ്മയുടെ വസ്ത്രം ധരിച്ച് അഹാന എത്തിയത്.

കറുത്ത നിറമുള്ള അയഞ്ഞ ചുരിദാറിൽ കാലത്തിനിണങ്ങുന്ന ചില മാറ്റങ്ങളും അഹാന വരുത്തിയിരുന്നു. ആ ചുരിദാറിന് പിന്നിൽ ഹൃദ്യമായൊരു കഥകൂടിയുണ്ടെന്ന് അഹാന കുറിപ്പിൽ കൂട്ടിച്ചേർക്കുന്നു.

ഗോൾഡൻ വർക്കുകളോട് കൂടിയ ഈ വസ്ത്രം അമ്മ സിന്ധു അണിയുമ്പോൾ അഹാനയ്ക്ക് രണ്ട് വയസ്സാണ് പ്രായം. അന്ന് അഹാനയെ എടുത്തുനിൽക്കുന്ന അമ്മയുടെ ചിത്രവും താരം പങ്കുവെച്ചിട്ടുണ്ട്. മസ്‌ക്കറ്റിൽ നിന്ന് വാങ്ങിയ ഈ ചുരിദാർ ഒരു പാക്കിസ്ഥാനി തയ്യൽക്കാരനാണ് തുന്നിയത്. ഈ വസ്ത്രം തുന്നുമ്പോൾ അത് ഇത്രയും വർഷങ്ങൾ നീണ്ട യാത്ര നടത്തുമെന്ന് തുന്നൽക്കാരൻ പോലും കരുതിയിട്ടുണ്ടാകില്ലെന്ന് തനിക്കുറപ്പാണെന്നും അഹാന പറയുന്നു.

അഹാന കൃഷ്ണയും ഷൈൻ ടോം ചാക്കോയും പ്രധാന കഥാപാത്രങ്ങളെ അവതരിപ്പിക്കുന്ന ‘അടി’ ഉടൻ തീയറ്ററിലെത്തുകയാണ്. ഏപ്രിൽ 14നാണ് ചിത്രത്തിന്റെ റിലീസ്. പ്രശോഭ് വിജയനാണ് ചിത്രത്തിന്റെ സംവിധാനം. രതീഷ് രവിയുടേതാണ് തിരക്കഥ. ഫായിസ് സിദ്ധിഖാണ് ഛായാഗ്രാഹണം. ഗോവിന്ദ് വസന്ത ചിത്രത്തിന്റെ സംഗീതം ഒരുക്കുന്നു. ധ്രുവൻ, ബിറ്റോ ഡേവിസ്, ശ്രീകാന്ത് ദാസൻ എന്നിവരും പ്രധാന വേഷങ്ങളിൽ എത്തുന്നു.ലില്ലി, അന്വേഷണം എന്നീ ചിത്രങ്ങൾ ഒരുക്കിയ പ്രശോഭ് വിജയനാണ് ചിത്രത്തിന്റെ സംവിധാനം. ഇഷ്‌കിന്റെ തിരക്കഥാകൃത്ത് രതീഷ് രവിയുടേതാണ് തിരക്കഥ. ഗീതിക, സജീവ് നായർ എന്നീ ദമ്പതികളായാണ് സിനിമയിൽ അഹാനയും ഷൈൻ ടോം ചാക്കോയും വേഷമിടുക. ‘ലൂക്ക’ എന്ന സിനിമയാണ് അഹാനയുടേതായി ഏറ്റവും ഒടുവിൽ തിയറ്ററിലെത്തിയ ചിത്രം.