കേരളത്തിലെത്തി ക്ഷേത്ര ദർശനം നടത്തി അജിത്

തമിഴ് സൂപ്പർസ്റ്റാർ അജിത് കുമാർ കേരളത്തിലെത്തി. ആയുർവ്വേദ ചികിത്സയുടെ ഭാ​ഗമായാണ് അജിത് പാലക്കാടെത്തിയത്. കേരളത്തിലെത്തിയ അജിത്തിന്റെ ചിത്രങ്ങളാണ് ഇപ്പോൾ സമൂഹമാധ്യമങ്ങളുടെ ശ്രദ്ധ കവരുന്നത്. പാലക്കാട് പെരുവമ്പ ക്ഷേത്രത്തിൽ ദർശനം നടത്തുന്നതിനിടെ പകർത്തിയ ചിത്രങ്ങളാണ് വൈറലാവുന്നത്. കേരള സ്റ്റൈലിൽ മുണ്ടും മേൽമുണ്ടും അണിഞ്ഞാണ് അജിത് ക്ഷേത്രത്തിലെത്തിയത്.

വലിമൈ ആണ് അജിത്തിന്റേതായി ഒടുവിൽ തിയേറ്ററിലെത്തിയ ചിത്രം. സിനിമക്ക് മികച്ച പ്രതികരണമാണ് ലഭിച്ചത്. വിഘ്നേഷ് ശിവൻ സംവിധാനം ചെയ്യുന്ന ചിത്രത്തിലാണ് അജിത് അടുത്തതായി അഭിനയിക്കുന്നത്. അജിത്തിന്റെ 62-ാമത്തെ ചിത്രമാണിത്. എകെ 62 എന്ന് പേരിട്ടിരിക്കുന്ന ചിത്രത്തിന്റെ ആദ്യ ഷെഡ്യൂളിന്റെ ചിത്രീകരണം ആരംഭിക്കാൻ ഇരിക്കെയാണ് അജിത് കേരളത്തിലെത്തി ക്ഷേത്രസന്ദർശനം നടത്തിയിരിക്കുന്നത്.