എകെ ആന്റണിയുടെ മകൻ അനിൽ ആന്റണി ബിജെപി നേതാക്കളുമായി ചേർന്ന് പ്രവർത്തിക്കുന്നു, തെളിവുകൾ പുറത്ത്

എ.കെ ആന്റണിയുടെ മകൻ അനിൽ ആന്റണിക്കെതിരെ ഗുരുതരമായ ആരോപണങ്ങൾ പുറത്തുവരുന്നു . എ.കെ ആന്റണിയുടെ രാഷ്ട്രീയ ബന്ധങ്ങൾ ദുരുപയോഗം ചെയ്ത് മകൻ അനിൽ ആന്റണി വിവിധ കോർപ്പറേറ്റ് കമ്പിനികളിലും വിദേശ ഇടപാടുകൾ നടത്തുന്ന കമ്പിനിയിലും ഭാഗവാക്കായി. കേരളം വിട്ടാൽ ദില്ലിയിൽ ബിജെപി, സമാജ്വാദി പാർട്ടി നേതാക്കളും ആയി ചേർന്നാണ്‌ അനിൽ ആന്റണിയുടെ പ്രവർത്തനം. ബിജെപി, സമാജ് വാദി പാർട്ടി നേതാക്കളുമായി ചേർന്ന് സംഘടന ഉണ്ടാക്കിയയ്തിന്റെയും അവരുമായി ബന്ധപ്പെട്ട് പ്രവർത്തിക്കുന്നതിന്റെയും തെളിവുകളാണ് കർമ ന്യൂസ് പുറത്തുവിടുന്നത്.

അനിൽ ആന്റണി കോവിഡ് കാലത്ത് വിവിധ കമ്പിനികളിൽ നിന്നും കോവിഡ് ദുരിതാശ്വാസത്തിന്റെ പേരിൽ പണം കൈപറ്റി എന്നും ആരോപണം ഉയരുന്നു. ബിജെപി അടക്കം വിവിധ കോൺഗ്രസിന്റെ ശത്രു രാഷ്ട്രീയ നേതാക്കൾ രൂപീകരിച്ച പി ഐ ഇന്ത്യ ടീമിന്റെ കോഡിനേറ്ററായി എന്നതാണ് ഞെ‌ട്ടിക്കുന്ന കാര്യം.

ബിജെപ് നേതാവ് വരുൺ ഗാന്ധി അടക്കം ഉള്ളവർ നേതൃത്വം കൊടുക്കുന്ന സംഘടനയുടെ കൺ വീനർ ആണ്‌ അനിൽ ആന്റണി. ഉന്നത കേന്ദ്ര ഭരണകക്ഷി നേതാക്കൾ മാത്രം ഉള്ള ഇത്തരം സംഘടനയെ നയിക്കാൻ അനിൽ ആന്റണി അതിന്റെ തലപത്ത് എത്തി എങ്കിൽ അത് എ.കെ ആന്റണി തെളിച്ച വഴി എന്ന് വിമർശനം ഉയരുന്നു. ദില്ലിയിൽ ബിജെപി നേതാക്കളും ആയി തോളോട് തോൾ ചേർന്ന് പ്രവർത്തിക്കുക..എന്നിട്ട് കേരളത്തിൽ വരുമ്പോൾ കെ.പി.സി.സി മീഡിയാ കൺ വീനർ പദവിയിൽ..രണ്ട് വള്ളത്തിൽ കാലു വയ്ക്കുന്ന അനിൽ ആന്റണിയെ തന്നെയാണ്‌ തുറന്ന് കാട്ടുന്നത്