മോദിയുടെ നാട്ടിൻ നിന്നാണോ വരുന്നത്, ഇന്ത്യൻ പാസ്‌പോർട്ടുമായി വിദേശത്തേക്ക് പോകുമ്പാൾ ലഭിക്കുന്ന ആദരവിനെക്കുറിച്ച് കുറിച്ച് അക്ഷയ് കുമാർ

മുംബൈ. ഇന്ത്യൻ പാസ്‌പോർട്ടുമായി വിദേശത്തേക്ക് പോകുമ്പോൾ ലഭിക്കുന്ന ബഹുമാനത്തെ കുറിച്ച് തുറന്നു പറഞ്ഞ് ബോളിവുഡ് നടൻ അക്ഷയ് കുമാർ. ഓ, നിങ്ങൾ മോദിയുടെ രാജ്യത്ത് നിന്നാണോ വരുന്നത് എന്നാണ് അവർ ചോദിക്കുന്നതെന്ന് അക്ഷയ് കുമാർ പറഞ്ഞു. കനേഡിയൻ പൗരനായിരുന്ന അക്ഷയ് കുമാറിന് അടുത്തിടെയാണ് ഇന്ത്യന്‍ പാസ്പോര്‍ട്ട് ലഭിച്ചത്.

ഇന്ത്യന്‍ പാസ്പോര്‍ട്ടുമായി വിദേശങ്ങളില്‍ പോകുമ്പോള്‍ ഇപ്പോള്‍ ആദരവ് കിട്ടുന്നുവെന്ന് പറയുകയാണ് താരം. ഒരു അഭിമുഖത്തിലാണ് അക്ഷയ് കുമാര്‍ ഇക്കാര്യം വ്യക്തമാക്കിയത്. നരേന്ദ്ര മോദി പ്രധാനമന്ത്രിയായ ശേഷം രാജ്യം കൈവരിച്ച നേട്ടങ്ങളില്‍ അഭിമാനമുണ്ടെന്നും അക്ഷയ് കുമാര്‍ പറഞ്ഞു.

‘ഭാരതം വളരെ മുന്നേറി എന്ന ഒരു ഫീലാണ് വിദേശത്തെ ഏയര്‍പോര്‍ട്ടുകളില്‍ ഇന്ത്യന്‍ പാസ്പോര്‍ട്ട് കാണിക്കുമ്പോള്‍ ലഭിക്കുന്നത്. നമ്മള്‍ വിദേശത്താണെങ്കില്‍ ഇപ്പോള്‍ ഏറെ ആദരവ് കിട്ടുന്നു. അവര്‍ ഓ, നിങ്ങള്‍ മോദിയുടെ രാജ്യത്ത് നിന്നാണോ വരുന്നത് എന്ന് ചോദിക്കുന്നു. അക്ഷയ് കുമാര്‍ പറയുന്നു.

ഇന്ത്യയാണ് തനിക്ക് എല്ലാം, തനിക്ക് സ്വന്തമായി ഉള്ളതെല്ലാം ഞാന്‍ ഇവിടെ നിന്ന് സമ്പാദിച്ചതാണ്, അതിനാല്‍ കനേഡിയന്‍ പൗരത്വം ഉപേക്ഷിക്കുമെന്ന് അക്ഷയ് കുമാര്‍ മുൻപ് പറഞ്ഞിരുന്നു. കനേഡിയന്‍ പൗരത്വത്തിന്റെ പേരില്‍ ആളുകള്‍ തന്നെ പരിഹസിക്കുകയും പരുഷമായി സംസാരിക്കുകയും ചെയ്യുമ്പോള്‍ തനിക്ക് വളരെ വിഷമം തോന്നാറുണ്ടെന്നും താരം വ്യക്തമാക്കിയിരുന്നു.