കോവിഡ് വാക്‌സിന്‍ ആദ്യം കുട്ടികള്‍ക്ക്; കുഞ്ഞുകവിതയുമായി പൃഥ്യുരാജിന്റെ അല്ലി

മകള്‍ അലംകൃതയെന്ന അല്ലിയെക്കുറിച്ചുള്ള വിശേഷങ്ങള്‍ സോഷ്യല്‍മീഡിയയില്‍ പങ്കുവെയ്ക്കാറുണ്ട് നടന്‍ പൃഥ്യുരാജും ഭാര്യ സുപ്രിയയും. ഇപ്പോഴിതാ മകളുടെ പുതിയ വിശേഷവുമായി എത്തിയിരിക്കുകയാണ് രണ്ടുപേരും. ആറു വയസ്സുകാരി അല്ലി എഴുതിയ ഒരു കവിതയാണ് അച്ഛനും അമ്മയും സോഷ്യല്‍മീഡിയയില്‍ പങ്കുവെച്ചിരിക്കുന്നത്.

കോവിഡാണ് അല്ലിയുടെ കവിതയുടെ വിഷയം. ഈ വര്‍ഷമെപ്പഴോ കോവിഡ് വാക്‌സിനക്കുറിച്ച് അല്ലിയോട് പറഞ്ഞിരുന്നതായി ഓര്‍ക്കുന്നുവെന്ന് പൃഥ്യുരാജ് കുറിച്ചു. എ്ന്നാല്‍ അതിനു ശേഷം അതിന്റെ വിശദാംശങ്ങളറിയാന്‍ അച്ഛന്റെ പിന്നാലെ കൂടിയിരിക്കുകയായിരുന്നു മകള്‍. വാക്‌സിന്‍ എപ്പോള്‍ വരും ആര് തരും ആര്‍ക്കാദ്യം കൊടുക്കും എന്നൊക്കെയുള്ള നൂറ് സംശയങ്ങളുമായാണ് അല്ലി അച്ഛന്റെ പിന്നാലെ കൂടിയത്. ഇപ്പോള്‍ ഇതാ, അതേപ്പറ്റി ഒരു കവിത തന്നെ അല്ലി എന്ന ആറുവയസ്സുകാരി എഴുതിയിരിക്കുന്നു.

കോവിഡ് വാക്‌സിനെ കുറിച്ച് എഴുതിയ കവിതയുമായി അച്ഛനെ ഞെട്ടിച്ചിരിക്കുകയാണ് അല്ലി. ആറു വയസ്സുകാരിയുടെ അറിവിലെ വാക്കുകളില്‍ പലയിടത്തും അക്ഷരത്തെറ്റ് ഉണ്ടാവാം. പക്ഷെ അതിലെ വികാരങ്ങള്‍ കൃത്യമാണെന്ന് അഭിമാനത്തോടെ സാക്ഷ്യപ്പെടുത്തുകയാണ് അല്ലിമോളുടെ പ്രീയപ്പെട്ട ഡാഡ. ‘കോവിഡ് വാക്‌സിന്‍ പെട്ടെന്ന് വരണം. ആദ്യം കുട്ടികള്‍ക്ക് വേണം നല്‍കാന്‍. അവര്‍ പ്രാധാനമാണ്. നമുക്കാഘോഷിക്കാം. കോവിഡ്, നീ നിന്റെ വീട്ടിലേക്കു പൊയ്‌ക്കോളൂ. എല്ലാം സാധാരണ ഗതിയിലെത്തും. ആഘോഷത്തിന് സമയമായിരിക്കുന്നു.’ ഇതാണ് അല്ലിയുടെ കുഞ്ഞുകവിത.

എന്തായാലും അല്ലിയുടെ കുഞ്ഞുകവിത പൃഥ്യുരാജിനേയും സുപ്രിയയേും അത്ഭുതപ്പെടുത്തിയിരിക്കുകയാണ്. ആ സന്തോഷത്തില്‍ ഇരുവരുമിത് സോഷ്യല്‍മീഡിയയില്‍ പോസ്റ്റ് ചെയ്യുകയും ചെയ്തു. സുപ്രിയ പോസ്റ്റ് ചെയ്ത കവിത പൃഥ്വി റീപോസ്‌റ് ചെയ്യുകയായിരുന്നു. മുന്‍പും കോവിഡിനെ കുറിച്ച് അല്ലി എഴുതിയ കുറിപ്പുകള്‍ പൃഥ്വിരാജ് സോഷ്യല്‍ മീഡിയയില്‍ പോസ്റ്റ് ചെയ്തിട്ടുണ്ട്