പന്തീരാങ്കാവ് യു.എ.പി.എ കേസില് ത്വാഹ ഫസലിന്റെ ജാമ്യം റദ്ദാക്കിയ ഹൈക്കോടതി നടപടിയില് പ്രതികരണവുമായി അലന് ഷുഅൈബ്. ജയിലിലെന്നപോലെ ഇവിടെയും തന്നെ ചേര്ത്ത് നിര്ത്തിയത് താഹയായിരുന്നുവെന്നും ഹൈക്കോടതി വിധി ഭീകരമായിപ്പോയെന്നും അലന് ഷുഅൈബ് പറഞ്ഞു. ഇന്സ്റ്റാഗ്രാം കുറിപ്പിലാണ് അലന് ഷുഅൈബ് പ്രതികരണം അറിയിച്ചത്. ഇരുവരും ഒന്നിച്ചുനില്ക്കുന്ന ചിത്രവും അലന് പങ്കുവെച്ചു.
താഹ തന്റെ കൂട്ടുപ്രതിയല്ല, സഹോദരനാണ്. ഈ താല്ക്കാലികമായ വേര്പിരിയല് വളരെ വേദനിപ്പിക്കുന്ന ഒന്നാണ്. തനിക്കിതില് സന്തോഷിക്കാന് ഒന്നുമില്ല. അക്ഷരാര്ഥത്തില് എങ്ങനെ ജീവിതം മുന്നോട്ടു കൊണ്ടുപോവണം എന്നറിയില്ലെന്നും അലന് മനസു തുറന്നു. ഹൈക്കോടതി ഉത്തരവിന് പിന്നാലെ ഇന്ന് ത്വാഹ കൊച്ചി എന്.ഐ.എ കോടതിയില് എത്തി കീഴടങ്ങി. ജാമ്യം റദ്ദാക്കിയ കോടതി വിധിക്കെതിരെ സുപ്രീം കോടതിയെ സമീപിക്കുമെന്ന് ത്വാഹ പറഞ്ഞു. നേരത്തെ ‘താഹയ്ക്കെതിരെ മൊഴി നല്കിയാല് മാപ്പ് സാക്ഷിയാക്കി രക്ഷപ്പെടുത്താം എന്നു എന്ഐഎ പറഞ്ഞതായും അതിന് നിര്ബന്ധിക്കുന്നതായും അലന് വ്യക്തമാക്കിയിരുന്നു.
അലന് ഷുഅൈബിന്റെ ഇന്സ്റ്റാഗ്രാം പോസ്റ്റ്:
‘താഹയാണ് ഈ ദുരന്തം വിളിച്ചറിയിച്ചത്. അവന് പണി സ്ഥലത്തും ഞാന് കോളേജിലുമായിരുന്നു. ഇന്നലെ താഹയുടെ ഇക്കാക്കയുടെ പിറന്നാളുമായിരുന്നു. കഴിഞ്ഞയാഴ്ച്ച സ്റ്റേഷനില് ഒപ്പിടാന് വേണ്ടി നാട്ടില് വന്നപ്പോള് ഞങ്ങള് കണ്ടു. കുറേ കാലത്തിന് ശേഷം പുറത്ത് പോയി ഒരു മില്ക്കവിലും ഉന്നക്കായും കഴിച്ചു. പതിവ് പോലെ പൈസ അവന് തന്നെയാണ് കൊടുത്തത്.
ജയിലില് നിന്നും ഇറങ്ങിയാലുള്ള ഒരു തരം സാമൂഹിക ഒറ്റപ്പെടുത്തല് ഞങ്ങള് പ്രതീക്ഷിച്ചതാണ്. എന്നാല് പലരും മിണ്ടാതാകുമ്ബോള് എനിക്ക് അത് താങ്ങാന് കഴിഞ്ഞിരുന്നില്ല. ജയിലിലെന്നപോലെ ഇവിടെയും എന്നെ ചേര്ത്ത് നിര്ത്തിയത് താഹയായിരുന്നു. എനിക്ക് എന്തും തുറന്ന് പറയാന് കഴിയുന്നത് അവനോട് മാത്രമായിരുന്നു.
ഇത് ഭീകരമായിപ്പോയി. ഈ താല്ക്കാലികമായ വേര്പിരിയല് വളരെ വേദനിപ്പിക്കുന്ന ഒന്നാണ്. എനിക്കിതില് സന്തോഷിക്കാന് ഒന്നുമില്ല. കാരണം എന്റെ സഹോദരനാണ് ജയിലില് പോയത്. അല്ലാതെ കേവലം കൂട്ടുപ്രതിയല്ല. അക്ഷരാര്ഥത്തില് അറിയില്ല എങ്ങനെ ജീവിതം മുന്നോട്ട് കൊണ്ട് പോകണം എന്ന്.’
മലപ്പുറം: ജില്ലയിൽ ഷിഗല്ല രോഗം സ്ഥിരീകരിച്ചു. കോഴിപ്പുറം വെണ്ണായൂർ എ.എം.എൽ.പി സ്കൂളിലെ വിദ്യാർത്ഥികൾക്കാണ് രോഗം സ്ഥിരീകരിച്ചതെന്ന് ആരോഗ്യ വകുപ്പ് അറിയിച്ചു.…
തിരുവനന്തപുരം: സംസ്ഥാനത്ത് ഇന്ന് രണ്ട് ജില്ലകളില് യെല്ലോ അലര്ട്ട്. കണ്ണൂര്, കാസര്കോട് ജില്ലകളിലാണ് മഴ മുന്നറിയിപ്പുള്ളത്. ഒറ്റപ്പെട്ട ശക്തമായ മഴയ്ക്കുള്ള…
ഇന്ന് ജൂലൈ 1. രാജ്യത്ത് ഇന്ന് മുതൽ പുതിയ ക്രിമിനൽ നിയമം നിലവിൽ വരികയാണ്. കേന്ദ്ര സർക്കാർ കൊണ്ടുവന്ന ഈ…
തിരുവനന്തപുരം: ഉപരിപഠനത്തിന് യോഗ്യത നേടുന്നവര്ക്ക് എഴുതാനും വായിക്കാനും അറിയില്ലെന്ന പരാമര്ശത്തില് സജി ചെറിയാനെതിരെ കെഎസ്യു. സജി ചെറിയാന് വിദ്യാര്ത്ഥികളെ അപമാനിച്ചെന്നും…
കൊൽക്കത്ത : പശ്ചിമബംഗാളിൽ നടുറോഡിൽ മുസ്ലീം യുവതിയെ തല്ലിച്ചതച്ച് തൃണമൂൽ ഗുണ്ടകൾ. വീഡിയോ വൈറലായിട്ടും നിഷ്ക്രിയത്വം പാലിച്ച ബംഗാൾ സർക്കാരിനെതിരെ…
ഇസ്രായേൽ ഗാസ യുദ്ധത്തിൽ വ്യകതമായ മേധാവിത്വം കൈവരിച്ചിരിക്കുകയാണ് ഇസ്രായേൽ സൈന്യം. ഹമാസിന്റെ കൂട്ടക്കുരുതിയാണ് ഗാസയും മണ്ണിൽ ഇസ്രായേൽ സൈന്യം നടത്തിയത്.…