ചങ്ങാടം തലകീഴായി മറിഞ്ഞു, ഉദ്ഘാടന ചടങ്ങിനെത്തിയ പഞ്ചായത്ത് പ്രസിഡന്റ് ഉള്‍പ്പെടെ തോട്ടിലേക്ക്

ആലുപ്പുഴ : ഉദ്ഘാടന യാത്രയില്‍ ചങ്ങാടം തലകീഴായി മാറിഞ്ഞ് പഞ്ചായത്ത് പ്രസിഡന്റും വൈസ് പ്രസിഡന്റും നാട്ടുകാരും തോട്ടില്‍ വീണ് അപകടം. ചങ്ങാടം മറിഞ്ഞ് യത്രക്കാര്‍ തോട്ടില്‍വീഴുന്നതിന്റെ വീഡിയോ പുറത്തുവന്നിട്ടുണ്ട്. ആലപ്പുഴ കരുവാറ്റ ചെമ്പുതോട്ടിലെ കടവില്‍ ചൊവ്വാഴ്ച രാവിലെയായിരുന്നു അപകടം.

നാട്ടുകാര്‍ക്ക് തോട് മുറിച്ചുകടക്കാനായി നിര്‍മിച്ച ചെറിയ ചങ്ങാടമാണ് ഉദ്ഘാടന യാത്രയില്‍ തന്നെ തലകീഴായി മറിഞ്ഞ് അപകടം ഉണ്ടായത്. ചങ്ങാടം മറിഞ്ഞ് തോട്ടില്‍വീണ പഞ്ചായത്ത് പ്രസിഡന്റിനെ ഉള്‍പ്പെടെ കരയില്‍നിന്നിരുന്ന നാട്ടുകാരാണ് രക്ഷപ്പെടുത്തിയത്. അപകടശേഷം ചങ്ങാടം ഉപയോഗിക്കുന്നത് നിര്‍ത്തിവെച്ചു.