കുളിക്കുമ്പോഴും അവളൊന്നിച്ചെന്ന് ജീവ; എനിക്കൊരു സംശയമുണ്ടെന്ന് എലീന പടിക്കല്‍

മിനിസ്‌ക്രീനിലൂടെ പ്രേക്ഷകര്‍ക്ക് പ്രിയങ്കരരായവരാണ് ജീവ ജോസഫും ഭാര്യ അപര്‍ണ തോമസും. ഇരുവരും മോഡലിങ്ങിലും അവതാരക രംഗത്തും തിളങ്ങി നില്‍ക്കുകയാണ്. ഇപ്പോഴിതാ ആറാം വിവാഹ വാര്‍ഷികത്തോടനുബന്ധിച്ച്‌ നടത്തിയ ഫോട്ടോഷൂട്ട് ചിത്രങ്ങള്‍ പങ്കുവെച്ചിരിക്കുകയാണ് ജീവ.

ബാത് ടബ് ഫോട്ടോഷൂട്ട് ആണ് ഇവര്‍ നടത്തിയിരിക്കുന്നത്. നിരവധി ആളുകളാണ് ചിത്രങ്ങള്‍ക്ക് താഴെ ആശംസകളുമായി എത്തുന്നത്. ചിത്രത്തോടൊപ്പം നല്‍കിയ അടിക്കുറിപ്പും ഏറെ ശ്രദ്ധിക്കപ്പെടുകയും ചെയ്തു. ഇപ്പോഴിതാ ചിത്രത്തിന് അവതാരകയും നടിയുമായ അലീന പടിക്കല്‍ ചെയ്ത ഒരു കമന്റാണ് ചര്‍ച്ചയാകുന്നത്.

‘അങ്ങനെയാണെങ്കില്‍ എനിക്ക് ഒരു ഡൗട്ട് ഉണ്ട്’ എന്നാണ് അലീന ജീവയുടെ ചിത്രത്തിന് കമന്റ് ചെയ്തിരിക്കുന്നത്. ഇതിലെ രസകരമായ മറുപടി നല്‍കിക്കൊണ്ട് ജീവ തന്നെ രംഗത്തെത്തുകയും ചെയ്തു. ‘നിന്റെ ഡൗട്ട് അല്ലേ. അത് പബ്ലിക് ആയി ചോദിക്കേണ്ട’ എന്നായിരുന്നു ജീവ നല്‍കിയ മറുപടി.