ആലീസിനെ കന്യാസ്ത്രീ ആക്കണമെന്നായിരുന്നു കരുതിയത്, വിവാഹത്തിന് മുമ്പ് നടിക്ക് സര്‍പ്രൈസ് ഒരുക്കി പ്രിയപ്പെട്ടവര്‍

മലയാളികള്‍ക്ക് സുപരിചിതയായ മിനിസ്‌ക്രീന്‍ താരമാണ് അലീസ് ക്രിസ്റ്റി ഗോമസ്. അഭിനേതാവായ സജിനുമായുള്ള വിവാഹത്തിന് തയ്യാറെടുക്കുകയാണ് നടി. പ്രിയപ്പെട്ടവര്‍ ആലീസിനായി ബ്രൈഡല്‍ ഷവര്‍ പാര്‍ട്ടിയും ഒരുക്കിയിരുന്നു.എന്തോ പണി വരുന്നുണ്ടെന്ന് നേരത്തെ മനസ്സിലായിരുന്നു. കസിന്‍സെല്ലാം എത്തിയിട്ട് തന്നെ വിളിച്ചപ്പോള്‍ ഇതല്ല പ്രതീക്ഷിച്ചത്. തിരക്കുകള്‍ക്കിടയില്‍ ബ്രൈഡല്‍ ഷവര്‍ പാര്‍ട്ടിയെക്കുറിച്ച് ഓര്‍ത്തിരുന്നില്ല. തനിക്കായൊരുക്കിയ കേക്ക് ഇഷ്ടമായെന്നും ആലീസ് പറഞ്ഞിരുന്നു.

ആലീസിനെ പ്രസവിച്ച സമയത്ത് ആദ്യം മേടിച്ചത് ഞാനാണ്. അല്‍ഫോണ്‍സാമ്മയെ പോലിരിക്കുന്ന കൊച്ച് നമുക്ക് ഇതിനെ കന്യാസ്ത്രീയാക്കാമെന്നായിരുന്നു കരുതിയതെന്നായിരുന്നു ആലീസിന്റെ അമ്മയുടെ സഹോദരി പറഞ്ഞു. എന്റെ മകളോടൊപ്പമായാണ് അവള്‍ വളര്‍ന്നത്. കഠിന പ്രയത്നം ചെയ്യുന്നയാളാണ് അവള്‍. ഒരുപാട് കാര്യങ്ങള്‍ അവളില്‍ നിന്നും പഠിക്കാനുണ്ടെന്നുമായിരുന്നു എന്നും അവര്‍ പറഞ്ഞു.

സേവ് ദ ഡേറ്റ് വീഡിയോ കണ്ടപ്പോഴുള്ള അമ്മയുടെ പ്രതികരണം കാണാന്‍ ഞാന്‍ നിന്നിട്ടില്ല. കല്യാണം അടുത്തത് കൊണ്ടാണെന്ന് തോന്നുന്നു ഒന്നും പറഞ്ഞില്ല. വിവാഹനിശ്ചയം കഴിഞ്ഞിട്ട് ഒന്നര വര്‍ഷമായി, എല്ലാം നന്നായി നടക്കണമെന്നാണ് ഇപ്പോള്‍ ചിന്തിക്കുന്നത്. എക്സൈറ്റ്മെന്റ് ഒന്നും തോന്നുന്നില്ലെന്നുമായിരുന്നു ആലീസ് പറഞ്ഞത്.

എന്റെ മൂത്ത മകളെ കെട്ടിച്ച് വിട്ടപ്പോള്‍ സങ്കടം മാറ്റാന്‍ ഇളയ കൊച്ച് ഇത്രയും നാള്‍ കൂടെയുണ്ടായിരുന്നു. ഇപ്പോള്‍ എന്റെ കൊച്ച് പോവുകയാണ്, അതില്‍ സന്തോഷവും സങ്കടവുമുണ്ട്.-ആലീസിന്റെ അമ്മ പറഞ്ഞു. ഷോപ്പിംഗിനൊക്കെ പോവുന്നത് മിസ്സാവുമല്ലോയെന്നായിരുന്നു ചേച്ചിയുടെ വിഷമം. എപ്പോഴും ചേച്ചി അഭിപ്രായങ്ങള്‍ ചോദിക്കാറുണ്ടെന്നുമായിരുന്നു ആലീസ് പറഞ്ഞത്. ലൊക്കേഷനിലെല്ലാം കൂട്ടുവരുന്നത് അമ്മയാണ്.