അമല പോളിന് ഇരട്ടകുട്ടികളോ? പുത്തൻ ചിത്രത്തിന് കമന്റുമായി സോഷ്യൽ മീഡിയ

ഗര്‍ഭകാലം ആസ്വാദിക്കുകയാണ് പ്രിയ താരം അമല പോള്‍. ഇതിനു പിന്നാലെ താരം വളരെ സന്തോഷവതിയാണ്. സോഷ്യല്‍ മീഡിയയില്‍ ആക്ടിവായ താരം ഓരോ വിശേഷവും ആരാധകരുമായി പങ്കുവയ്ക്കാറുണ്ട്. ഇപ്പോഴിതാ പച്ച ഡ്രസിൽ മനോഹരമായ ഗർഭകാല ചിത്രങ്ങള്‍ പങ്കുവച്ചിരിക്കുകയാണ് താരം.

‘ഒരു പൂമൊട്ട് വിരിയാൻ തയാറായിരിക്കുന്നു. ഏത് പൂവായിരിക്കും അത്?’ എന്ന കുറിപ്പോടെയാണ് താരം ചിത്രം പങ്കുവച്ചത്. താരത്തിന്റെ ചിത്രത്തിനു താഴെ നിരവധി കമന്റുകളും എത്തി. ഗർഭകാലത്ത് നിങ്ങൾ കൂടുതൽ സുന്ദരിയായിരിക്കുന്നു എന്നായിരുന്നു പലരും കമന്റ് ചെയ്തത്. ഇത് പെൺകുട്ടിയായിരിക്കുമെന്നും അതല്ല, അമല പോളിന് ഇരട്ടകുട്ടികളായിരിക്കുമെന്നും പലരും കമന്റ് ചെയ്തു. അമ്മയും കുഞ്ഞു സുഖമായിരിക്കാൻ ദൈവം നിങ്ങളെ അനുഗ്രഹിക്കട്ടെ എന്ന രീതിയിലും കമന്റ് എത്തി

നവംബറിലായിരുന്നു അമല പോളിന്റെയും ജഗദ് ദേശായിയുടെയും വിവാഹം. ആദ്യ ദാമ്പത്യ ജീവിതത്തില്‍ നിന്നും സ്വതന്ത്ര്യയായ അമല പോള്‍ തന്റെ യാത്രകളും സിനിമകളുമായി മറ്റൊരു ലോകത്തായിരുന്നു. അങ്ങനെ ഒരു യാത്രയിലാണ് ജഗദ് ദേശായിയെ കണ്ടുമുട്ടിയതും സുഹൃത്തുക്കളായതും. പ്രണയം വെളിപ്പെടുത്തി അധികം വൈകാതെ തന്നെ വിവാഹിതരാകുകയും ചെയ്തു.

തൊട്ടടുത്ത മാസം തന്നെ താന്‍ ഗര്‍ഭിണിയാണ് എന്ന സന്തോഷ വാര്‍ത്ത പങ്കുവച്ച് അമലയും ജഗദ് ദേശായിയും ഇന്‍സ്റ്റഗ്രാമില്‍ എത്തുകയായിരുന്നു. പിന്നീടങ്ങോട്ട് ഇരുവരുടെയും നല്ല ദിവസങ്ങള്‍ക്ക് ആരാധകരും സാക്ഷിയാണ്. അപ്പോഴും അമല സിനിമകളില്‍ സജീവമായി. ലെവല്‍ ക്രോസ് എന്ന ചിത്രത്തിന്റെ റിലീസിനായി കാത്തിരിയ്ക്കുകയാണിപ്പോള്‍ നടി.