നാല് വര്‍ഷം നീണ്ടു നിന്ന പ്രണയം, സീരിയസ് ആയിരുന്ന ബന്ധം പിന്നീട് വേര്‍പിരിഞ്ഞു, കുടുംബവിളക്കിലെ ഇന്ദ്രജ പറയുന്നു

മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട നടിയാണ് അമൃത ഗണേശ്. തിങ്കള്‍ കലമാന്‍ എന്ന പരമ്പരയിലൂടെ എത്തിയ നടി ഇപ്പോള്‍ കുടുംബവിളക്ക് എന്ന പരമ്പരയിലെ ഇന്ദ്രജ എന്ന കഥാപാത്രത്തെയാണ് അവതരിപ്പിക്കുന്നത്. ഇപ്പോള്‍ പരമ്പരയിലെ തന്നെ മറ്റൊരു താരമായ ആനന്ദ് നാരായണന്‍ അമൃതയുടെ വിശേഷങ്ങള്‍ തന്റെ യൂട്യൂബ് ചാനലിലൂടെ പങ്കുവെച്ചിരിക്കുകയാണ്. സീരയലില്‍ കാണുന്നത് പോലെയല്ല യഥാര്‍ത്ഥ ജീവിതത്തില്‍ അമൃത എന്ന് നടി തന്നെ തുറന്ന് പറയുന്നുണ്ട്.

ഡോക്ടര്‍ ഇന്ദ്രജയുമായി തനിക്ക് യാതൊരു വിധ ബന്ധവും ഇല്ലെന്ന് നടി പറയുന്നു. കാസര്‍ഗോഡ് സ്വദേശിയാണ് അമൃത. അമ്മയും അച്ഛനും മാത്രമാണുള്ളത്. ‘തിങ്കള്‍കലമാന്‍’ എന്ന സീരിയല്‍ ചെയ്ത് കൊണ്ടിരിക്കുമ്പോഴാണ് കുടുംബവിളക്കില്‍ നിന്ന് വിളി വരുന്നത്. സീരിയലിന്റെ പേരോ പ്രതിഫലമോ ഒന്നും ഞാന്‍ അന്ന് ചോദിച്ചിരുന്നില്ല. തിങ്കള്‍കലമാനില്‍ തന്റെ അമ്മവേഷം ചെയ്ത രജനി ചേച്ചിയാണ് തന്റെ നമ്പര്‍ കൊടുക്കുന്നത്. പിന്നീടാണ് ചേച്ചി തന്നോട് നമ്ബര്‍ കൊടുത്ത കാര്യം പറയുന്നത്. ആ സമയത്ത് ഇത് അറിഞ്ഞിരുന്നില്ല. കുടുംബവിളക്ക് സീരിയലിലേയ്ക്കാണ് തന്നെ വിളിച്ചതെന്ന് അറിഞ്ഞപ്പോള്‍ ശരിക്കും കിളി പോയത് പോലെയായിരുന്നു. ഈ സീരിയലില്‍ വരുക എന്ന് പറയുന്നത് തന്നെ വലിയ സംഭവമാണെന്നും നടി പറയുന്നു.

ഏറെ ടെന്‍ഷനോടെയാണ് കുടുംബവിളക്കില്‍ അഭിനയിക്കാന്‍ എത്തിയത്. മറ്റൊരു താരത്തിന് പകരമായിട്ടാണ് കുടുംബവിളക്കില്‍ ഞാന്‍ എത്തുന്നത്. പ്രേക്ഷകരുടെ ഇടയില്‍ ശ്രദ്ധിക്കപ്പെട്ട ക്യാരക്ടര്‍ ആയിരുന്നു ഇത്. താന്‍ വന്ന് ചെയ്താല്‍ കുളമാവുമോ എന്ന് ചിന്തിച്ച് നല്ല പേടിയുണ്ടായിരുന്നു. ഞാന്‍ വരുന്നതിന് മുന്‍പ് യൂട്യൂബില്‍ ഈ കഥാപാത്രത്തിന്റെ എപ്പിസോഡ് എടുത്തു നോക്കിയുരുന്നു. അപ്പോള്‍ പുള്ളിക്കാരി ഡ്രൈവ് ചെയ്യുന്നുണ്ട്, ഉഗ്രനായി അഭിനയിച്ചിട്ടുണ്ട്. അപ്പിയറന്‍സിന്റെ കാര്യത്തിലും ഒരു രക്ഷയുമില്ല. അതിന് വേണ്ടി മുടിയൊക്കെ മുറിച്ചിട്ടായിരുന്നു സീരിയലില്‍ എത്തിയത്. ആദ്യ ദിവസം നല്ല ടെന്‍ഷന്‍ ഉണ്ടായിരുന്നു. ടെന്‍ഷന്‍ കാരണം ആദ്യ ദിവസം ചെറുതായി കരഞ്ഞു.

ഇപ്പോള്‍ പ്രണയമില്ല, എന്നാല്‍ ഉണ്ടായിരുന്നു. ആറാം ക്ലാസില്‍ പഠിക്കുമ്പോഴായിരുന്നു ആദ്യ ക്രഷ്. ഇപ്പോള്‍ അയാള്‍ തന്റെ ബെസ്റ്റ് ഫ്രണ്ട് ആണ്. ഡിഗ്രിക്ക് പഠിക്കുമ്പോാഴായിരുന്നു സീരിയസ് പ്രണയം ഉണ്ടായിരുന്നത്. നാല് വര്‍ഷം നീണ്ടു നിന്ന ബന്ധമായിരുന്നു അത്. വീട്ടിലൊക്കെ ഇതിനെ കുറിച്ച് താന്‍ പറഞ്ഞിരുന്നു. എന്നാല്‍ അത് പിന്നെ വേര്‍പിരിയുകയായിരുന്നു. ആള്‍ ഭയങ്കര പൊസസീവ് ആയിരുന്നു. നമ്മുടെ കരിയറിലേയ്ക്ക് അടുത്ത ചുവട് വയ്ക്കാന്‍ പറ്റാതെ വന്നപ്പോള്‍ രണ്ട് പേരും പരസ്പരം പറഞ്ഞ് പിരിയുകയായിരുന്നു. നോര്‍ത്തിന്ത്യന്‍ ആയിരുന്നു.- നടി പറഞ്ഞു.