വിവാദങ്ങള്‍ക്ക് പിന്നാലെ പുതിയ പോസ്റ്റുമായി അമൃത സുരേഷ്

മലയാളികളുടെ പ്രിയപ്പെട്ട ഗായികയാണ് അമൃത. റിയാലിറ്റി ഷോയിലൂടെയാണ് താരത്തെ പ്രേക്ഷകര്‍ അറിയുന്നത്. സഹോദരി അഭിരാമി സുരേഷും പാട്ടില്‍ കഴിവ് തെളിയിച്ച് കഴിഞ്ഞു. ബിഗ്‌ബോസ് മലയാളം സീസണ്‍ രണ്ടിലെ മത്സരാര്‍ത്ഥികളായിരുന്നു ഇരുവരും, ബിഗ്‌ബോസില്‍ ഇരുവരും തങ്ങളുടെ ജീവിതത്തെ കുറിച്ച് തുറന്ന് പറഞ്ഞ് രംഗത്ത് എത്തിയിരുന്നു. സോഷ്യല്‍ മീഡിയകളിലും ഇരുവരും സജീവമാണ്. ഇപ്പോള്‍ ശ്രദ്ധേയമാകുന്നത് അമൃത പങ്കുവെച്ച പുതിയ പോസ്റ്റാണ്.

മകളായ പാപ്പു എന്ന അവന്തികയ്ക്ക് ഒപ്പമുള്ള വീഡിയോയാണ് അമൃത പങ്കുവെച്ചത്. പാപ്പുവും പ്രേക്ഷകര്‍ക്ക് സുപരിചിതയാണ്. അമ്മയെ പോലെ തന്നെ വ്‌ലോഗുകളുമായി പാപ്പു എത്താറുണ്ട്. യു മേക്‌സ് മി ഹാപ്പി എന്ന ഗാനത്തിനൊപ്പം ചുവടുവെയ്ക്കുകയാണ് അമൃതയും പാപ്പുവും. വീഡിയോക്ക് താഴെ നിരവധി പേര്‍ കമന്റുകളും ലൈക്കുകളുമായി എത്തി. പാപ്പുവിനൊപ്പമുള്ള ചിത്രങ്ങളും വീഡിയോകളുമൊക്കെ അമൃത പങ്കുവെയ്ക്കാറുണ്ട്.

പാപ്പുവിന് അസുഖമാണെന്നും തന്നെ കാണാന്‍ അനുവദിക്കുന്നില്ലെന്നും പറഞ്ഞ് ബാല രംഗത്തെത്തിയത് വലിയ വാര്‍ത്തയായിരുന്നു. എന്നാല്‍ മകള്‍ പൂര്‍ണ്ണ ആരോഗ്യവതിയാണെന്ന് വ്യക്തമാക്കുന്ന വീഡിയോയുമായെത്തിയായിരുന്നു അമൃത മറുപടി നല്‍കിയത്. മകളെക്കുറിച്ച് ഇങ്ങനെ കേട്ടപ്പോള്‍ വല്ലാതെ വിഷമം തോന്നിയെന്നായിരുന്നു അമൃത പറഞ്ഞത്. കൊവിഡ് പോസിറ്റീവായതിന് ശേഷം വീട്ടില്‍ നിന്നും മാറി താമസിക്കുകയായിരുന്നു. നെഗറ്റീവായതിന് ശേഷമായാണ് വീട്ടിലേക്ക് തിരിച്ചെത്തിയത്. ഇനി പാപ്പുവിനൊപ്പമുള്ള നിമിഷങ്ങളും സന്തോഷങ്ങളുമാണെന്നും അമൃത പറഞ്ഞിരുന്നു.