ഇന്ന് നിങ്ങൾ അനുഭവിക്കുന്ന വേദന നാളെ ശക്തിയാകും, അമൃത സുരേഷ്

ഗായകൻ ​ഗോപി സുന്ദറിനോടൊപ്പമുള്ള ഫോട്ടോ ചർച്ചയായതോടെ അമൃത സുരേഷിന്റെ ഓരോ പുത്ത പോസ്റ്റിനും വേണ്ടിയുള്ള കാത്തിരിപ്പിലാണ് ആരാധകർ. ഇപ്പോഴിതാ അമൃത തന്റെ പുതിയ വർക്ക് ഔട്ട് വീഡിയോ പങ്കുവച്ചിരിക്കുകയാണ് താരം.“ഇന്ന് നിങ്ങൾ അനുഭവിക്കുന്ന വേദന നാളെ നിങ്ങൾക്ക് ആവശ്യമായ ശക്തിയാകും.. ഉപേക്ഷിക്കരുത്!! നിങ്ങൾ ഉപേക്ഷിക്കാൻ പോകുമ്പോൾ, നിങ്ങൾ മതിയായവനല്ലെന്ന് പറഞ്ഞവരെ ഓർക്കുക..”, അമൃത കുറിച്ചു.ഇങ്ങനെ ഫിറ്റായി ഇരിക്കാൻ കഴിയുന്നതിന്റെ ട്രെയിനറെ മെൻഷൻ ചെയ്‌ത്‌ നന്ദി പറയാനും താരം മറന്നിട്ടില്ല.

വിമർശിച്ചവർക്ക് ഇരുവരും വളരെ ശക്തമായി സോഷ്യൽ മീഡിയയിലൂടെ തന്നെ പ്രതികരിച്ചിരുന്നു. അന്യരുടെ ജീവിതത്തിൽ ഒരു ജോലിയുമില്ലാതെ അഭിപ്രായം പറയുന്നവർക്ക് തങ്ങളുടെ വക പുട്ടും മുട്ട കറിയും സമർപ്പിക്കുന്നു എന്ന് പോസ്റ്റ് ഇട്ടുകൊണ്ടാണ് അമൃതയും ഗോപിസുന്ദറും വിമർശിച്ചത്.

മലയാളികളുടെ പ്രിയപ്പെട്ട ഗായികയാണ് അമൃത സുരേഷ്. സംഗീത റിയാലിറ്റി ഷോയിലൂടെയാണ് താരം പ്രേക്ഷകർക്ക് സുപരിചിതയാവുന്നത്. സഹോദരി അഭിരാമി സുരേഷിനൊപ്പം ചേർന്ന് അമൃതം ഗമയ എന്ന പേരിൽ അമൃത ആരംഭിച്ച മ്യൂസിക് ബാൻഡ് ഏറെ ശ്രദ്ധ നേടിയിരുന്നു. എജി വ്‌ളോഗ്‌സ് എന്ന ഒരു യൂട്യൂബ് ചാനലും സഹോദരിമാർ ചേർന്ന് നടത്തുന്നുണ്ട്. നേരത്തെ ബിഗ്‌ബോസ് സീസൺ രണ്ടിൽ മത്സരാർത്ഥികളായും ഇരുവരും എത്തിയിരുന്നു.

നടൻ ബാലയുമായി അമൃത പ്രണയത്തിലാവുകയും വിവാഹിതർ ആവുകയും ചെയ്തിരുന്നു. എന്നാൽ പിന്നീട് ഇരുവരും വേർ പിരിയുകയായിരുന്നു. ഇരുവർക്കും ഈ ബന്ധത്തിൽ ഒരു മകളുണ്ട്. അവന്തിക എന്നാണ് മകളുടെ പേര്. പാപ്പു എന്നാണ് അമൃതയും കുടുംബവും മകളെ സ്‌നേഹത്തോടെ വിളിക്കുന്നത്. യൂട്യൂബ് വീഡിയോകളിലും അമൃതയുടെയും അഭിരാമിയുടെയും സോഷ്യൽ മീഡിയകളിലും പാപ്പു ഇടയ്ക്ക് എത്താറുണ്ട്