ഏഴ് മാസം ഗർഭിണി ആയിരുന്ന സമയത്ത് ആണ് ഏറ്റവും സുന്ദരിയായത്, 42 കിലോ ആയിരുന്ന ശരീര ഭാരം 65 ആയി

സ്വന്തം ​ഗർഭകാലത്തെക്കുറിച്ച് സോഷ്യൽ മീഡിയയിലൂടെ തുറന്നെഴുതുകയാണ് ആൻസി വിഷ്ണു എന്ന യുവതി. ​ഗർഭകാലം എന്നത് പലർക്കും പല ബുദ്ധിമുട്ടിന്റെയും കാലഘട്ടമാണ്. ശരീരത്തിലടക്കം പലതരത്തിലുള്ള മാറ്റങ്ങൾ പ്രത്യക്ഷപ്പെട്ട് തുടങ്ങും, എന്നാൽ തന്റെ മകനെ ​ഗർഭിണിയായിരുന്ന കാലമാണ് തനിക്ക് ഏറ്റവും ഇഷ്ടപ്പെട്ടതെന്നാണ് ആൻസി പറയുന്നത്

ആൻസി പങ്കുവെച്ച കുറിപ്പിങ്ങനെ

എനിക്കേറെ ഇഷ്ട്ടമുണ്ടായിരുന്ന കാലം, തനുവിനെ ഏഴ് മാസം ഗർഭിണി ആയിരുന്ന സമയങ്ങൾ ആണ് ഞാൻ ഏറ്റവും സുന്ദരിയായത്, 42 കിലോ ആയിരുന്ന ശരീര ഭാരം 65 ആയി,കാലുകളിൽ നീരായി, നടുവേദനയും കാലുവേദനയുമായി രാത്രികളൊന്നും ഉറക്കമില്ലാതായി, അങ്ങനെ കണ്ണുകൾക്ക് താഴെ കറുപ്പ് വീണു, പിൻ കഴുത്തും കറുപ്പ് നിറമായി.ഗർഭ സമയത്ത് എനിക്ക് ഷുഗർ ഉണ്ടായി, ഒരു ഭക്ഷണവും കഴിക്കാൻ പറ്റാതായി, രണ്ട് നേരവും ഇൻസുലിൻ എടുത്തു, കൊതിയോടെ കഴിച്ച ഭക്ഷണമൊക്കെ ശർദിച്ചു.

ഗർഭ കാല complications വളെരെ കൂടുതലായി, lower lying placenta, maternal diabetic, high amniotic fluid, അങ്ങനെ പ്രേശ്നങ്ങൾ നിരവധിയായിരിക്കെയും ഞാൻ എന്റെ ഗർഭ കാലം ആസ്വദിച്ചു. അടിവയറോട് കൈചേർത്ത് പിടിച്ച് ഞാനും എന്റെ കുഞ്ഞും സംസാരിച്ചു, അവന്റെ ചിരികൾ കുസൃതികൾ എല്ലാം ഞാൻ അറിയുന്നുണ്ടായിരുന്നു, വല്ലാതെ തടി വെച്ചിരുന്നു, വല്ലാതെ വല്ലാതെ കരുവാളിച്ചിരുന്നു…. എങ്കിലും എന്റെ തനുവിനെ വയറ്റിലായിരുന്ന കാലത്തെ സൗന്ദര്യം അതിനു മുൻപോ ശേഷമോ എനിക്ക് കിട്ടിയില്ല, ഏറെ ഏറെ പ്രിയപ്പെട്ട ചിത്രം