കുറേ ഗയ് ഫ്രണ്ട്സ് ഉണ്ട്, അവരൊക്കെ വന്ന് പ്രൊപ്പോസ് ചെയ്യും, സീരിയസ് ആയി എടുക്കാറില്ല, അനിഖ സുരേന്ദ്രൻ

ബാല താരമായി എത്തി മലയാളികളുടെ പ്രിയങ്കരിയായി മാറിയ നടിയാണ് അനിഖ സുരേന്ദ്രൻ. മലയാളം കൂടാതെ അന്യഭാഷാ ചിത്രങ്ങളിലും സജീവമാണ് അനിഖയിപ്പോൾ. സോഷ്യൽ മീഡിയയിൽ സജീവമാണ് താരം. പലപ്പോഴും അനിഖ പങ്കുവെയ്ക്കുന്ന ചിത്രങ്ങളും വിശേഷങ്ങളുമൊക്കെ വളരെ പെട്ടെന്ന് വൈറലായി മാറാറുമുണ്ട്. ഓ മൈ ഡാർലിം​ഗ് എന്ന ചിത്രത്തിലൂടെ നായികയായെത്തിയിരിക്കുകയാണ് താരം.

അടുത്തിടെ നൽകിയ ഒരു അഭിമുഖത്തിൽ അനിഖ പറഞ്ഞ വാക്കുകളാണ് ശ്രദ്ധ നേടുന്നത്. ഏതെങ്കിലും സുഹൃത്തുക്കൾ അനിഖയെ പ്രൊപ്പോസ് ചെയ്തിട്ടുണ്ടോ എന്ന ചോദ്യത്തിനാണ് താരം മറുപടി നൽകിയത്.

ഉണ്ട്, മൂവിങ് ഓൺ, എനിക്ക് കുറേ ഗയ് ഫ്രണ്ട്സ് ഉണ്ട്. അതിൽ ആരെങ്കിലുമൊക്കെ വന്നു പറയും. ഞാൻ അതിങ്ങനെ കാര്യമായി എടുക്കാറൊന്നുമില്ല. ഈ ഒരു സമയത്ത് എനിക്ക് പ്രത്യേകിച്ച് സ്റ്റഡീസും ഷൂട്ടുമൊക്കെയായിട്ട് ഞാൻ ഇങ്ങിനെ പോയി കൊണ്ടിരിക്കുകയാണ്. അൺഫോർച്ചുനേറ്റ്ലി ഞാൻ സിംഗിൾ ആണ്.

അതേസമയം, തനിക്ക് നേരെ എത്തുന്ന വിമർശനങ്ങളോട് ഈയിടെ അനിഖ പ്രതികരിച്ചിരുന്നു. നയൻതാരയെ അനുകരിക്കുന്നു എന്ന വിമർശനങ്ങൾ താൻ കേൾക്കാറുണ്ട് എന്നായിരുന്നു അനിഖ പറഞ്ഞത്. ഏത് രീതിയിലാണ് ഞാൻ നയൻതാരയെ അനുകരിക്കുന്നത് എന്ന് എനിക്ക് മനസിലായിട്ടേയില്ല. കാഴ്ചയിൽ അൽപ്പം സാമ്യമുണ്ട് എന്നു ചിലർ പറയാറുണ്ട്. ബേസ് വോയ്സിൽ സംസാരിക്കുന്നത് കൊണ്ടാണ് പറയുന്നതെങ്കിൽ എന്റെ ശബ്ദം ഇങ്ങനെയാണ് എന്നായിരുന്നു അനിഖ പറഞ്ഞത്