വാച്ച്​ ഡോഗ്​ ആക്ഷേപം, സിപിഎം നേതാവ് പികെ ബിജുവിന്​ അനിൽ അക്കരയുടെ നോട്ടീസ്​

തൃശൂര്‍. വ്യക്തി അധിക്ഷേപം നടത്തിയെന്ന് കാണിച്ച് സിപിഎം നേതാവ് പികെ ബിജുവിന് അനില്‍ അക്കരയുടെ നോട്ടീസ്. വാച്ച് ഡോഗ് എന്ന് ആക്ഷേപിച്ചുവെന്നാണ് നോട്ടീസില്‍ പറയുന്നത്. തൃശൂരില്‍ എല്‍ഡിഎഫ് സംഘടിപ്പിച്ച സഹകാരി മാര്‍ച്ചിന്റെ ഭാഗമായുള്ള പ്രതിഷേധ സംഗമത്തിലാണ് വാച്ച് ഡോഗ് പരാമര്‍ശം ഉണ്ടായതെന്ന് നോട്ടീസില്‍ പറയുന്നു.

മാനഹാനിക്ക് പകരമായി ഒരു ലക്ഷം രൂപ നല്‍കണമെന്നും 15 ദിവസത്തിനകം മാപ്പ് പറയണമെന്നും നോട്ടീസില്‍ ആവശ്യപ്പെടുന്നു. അടാട്ട് ഫാര്‍മേഴ്‌സ് ബാങ്ക് വിഴുങ്ങിയ വിദ്വാനെന്ന് കുറ്റപ്പെടുത്തിയതായും. വടക്കാഞ്ചേരിയില്‍ 140 പേര്‍ക്ക് ലൈഫ് മിഷന്‍ വീട് കിട്ടാതിരിക്കാന്‍ സിബിഐയില്‍ കേസ് കൊടുത്തുവെന്നും വാസ്തവ വിരുദ്ധമായ കാര്യങ്ങള്‍ പറഞ്ഞുവെന്നും നോട്ടീസില്‍ പറയുന്നു.