കിറ്റ് വാങ്ങി നക്കിയ ഓരോ പ്രജകളും ആവശ്യം അനുസരിച്ചു പരിപ്പ്, തേയില, പയർ, ഉപ്പ് ഒക്കെ മക്കൾ വശം കൊടുത്ത് അയയ്ക്കേണ്ടതാണ്, പരിഹാസവുമായി മാധ്യമ പ്രവർത്തക

കോഴിക്കോട് ജില്ലാ കലോത്സവത്തിനായി വിദ്യാർഥികൾ ഒരു കിലോ പഞ്ചസാരയോ 40 രൂപയോ നൽകണമെന്ന നോട്ടീസ് വിവാദത്തിൽ. പേരാമ്പ്ര സെൻറ് ഫ്രാൻസിസ് ഇംഗ്ലീഷ് മീഡിയം ഹൈസ്കൂളിലെ പ്രധാന അധ്യാപികയാണ് രക്ഷിതാക്കളോട് ഇക്കാര്യം ആവശ്യപ്പെട്ടത്. ഇത്തവണത്തെ കോഴിക്കോട് റവന്യു ജില്ലാ കലോത്സവത്തിന് പേരാമ്പ്രയാണ് വേദിയായി തെരഞ്ഞെടുത്തിരിക്കുന്നത്. കലോത്സവത്തിൻറെ ഭാഗമായി ഓരോ സ്കൂളും ഭക്ഷ്യവിഭവങ്ങൾ സമാഹരിക്കണമെന്ന് സംഘാടകസമിതിയിലെ ഫുഡ് കമ്മിറ്റി അംഗങ്ങൾ ആവശ്യപ്പെട്ടിരുന്നു.

ഇതിന് പിന്നാലെയാണ് വിദ്യാർഥികൾ ഒരു കിലോ പഞ്ചസാരയോ 40 രൂപയോ നൽകണമെന്ന് സ്കൂൾ അധികൃതർ വിദ്യാർഥികൾക്ക് നിർദേശം നൽകിയത്. പിന്നാലെ വൻ വിമർശനമാണ് ഉയരുന്നത്. വിഷയവുമായി ബന്ധപ്പെട്ട് മാധ്യമ പ്രവർത്തക അഞ്ജു പാർവതി പങ്കിട്ട കുറിപ്പ് ശ്രദ്ധേയമാകുന്നു.

കുറിപ്പിങ്ങനെ

ഇതേത് കരത്തിൽ ഉൾപ്പെടുത്തും ന്റെ മന്ത്രി അപ്പൂപ്പാ ഇടയ്ക്കിടയ്ക്ക് ജഗ പൊ ക ടീമുകൾ തിരുവിതാംകൂർ രാജഭരണത്തിന് എതിരെ എടുത്ത് വീശുന്ന മുലപ്പണം, മീശപ്പണം, തലപ്പണം ഇത്യാദി കരങ്ങൾ പോലെ ഒന്നാണോ ഈ പഞ്ചാര “കരം”??എന്തായാലും പിള്ളേരെ വരെ ഊറ്റി ജീവിക്കുന്ന ഒരു ഭരണാധികാരികളും ഇവിടെ ഉണ്ടായിട്ടില്ല. കിറ്റ് വാങ്ങി നക്കിയ ഓരോ പ്രജകളും ആവശ്യം അനുസരിച്ചു പരിപ്പ്, തേയില, പയർ, ഉപ്പ് ഒക്കെ മക്കൾ വശം കൊടുത്ത് അയയ്ക്കേണ്ടതാണ്. പിന്നെ റേഷൻ കട വഴി കിട്ടിയ മണ്ണെണ്ണ സ്വന്തമായി സൂക്ഷിക്കുക. ഒടുക്കം വികസനം മൂത്ത് മൂത്ത് അവസാനം ഉപ്പ് ചിരട്ട എടുത്ത് തെണ്ടേണ്ടി വരുമ്പോൾ മണ്ണണ്ണ അടങ്കൽ ആയിട്ട് എടുക്കുവാൻ ആസാമി എത്തും