ഏറെ നാളായി വേര്‍പിരിഞ്ഞ് താമസം; അന്ന് ആനിന്റെ അമ്മ ചോദിച്ചത് ഇപ്പോള്‍ വൈറലാകുന്നു

2014 ല്‍ ആണ് ജോമോനും ആനും വിവാഹിതരായത്. എന്നാല്‍ ഏറെ നാളുകളായി ഇരുവരും തമ്മില്‍ അകല്‍ച്ചയിലാണെന്നും പിരിഞ്ഞാണ് കഴിയുന്നതെന്നുമാണ് ഇരുവരോടും അടുത്ത വൃത്തങ്ങള്‍ സൂചിപ്പിക്കുന്നത്. ഏഴുവര്‍ഷത്തെ ദാമ്പത്യ ജീവിതത്തിനൊടുവിലാണ് ഇരുവരും പിരിയാന്‍ തീരുമാനിച്ചിരിക്കുന്നത്.

അടുത്തിടെയാണ് നടി ആന്‍ അഗസ്റ്റിനും സിനിമാട്ടോഗ്രാഫര്‍ ജോമോനും തമ്മിലുള്ള വിവാഹമോചന വാര്‍ത്ത പുറത്തുവന്നത്. ആനില്‍ നിന്നും വിവാഹ മോചനം ആവശ്യപ്പെട്ട് ഭര്‍ത്താവ് ജോമോനാണ് കുടുംബ കോടതിയില്‍ ഡിവോഴ്‌സ് കേസ് ഫയല്‍ ചെയ്തത്. ഇതിനു പിന്നാലെ ആനിന്റെ അമ്മയുടെ ചില വാക്കുകള്‍ സോഷ്യല്‍ മീഡിയകളില്‍ വൈറലാകുന്നു.

‘ആനിനെ വിവാഹം കഴിക്കാന്‍ ആഗ്രഹിക്കുന്നു എന്നു ജോമോന്‍ പറഞ്ഞ ഉടന്‍ ആനിന്റെ അമ്മ ചോദിച്ചതിങ്ങനെ’ എന്ന തരത്തിലുള്ള ഒരു മാധ്യമ റിപ്പോര്‍ട്ട് ആണ് സോഷ്യല്‍ മീഡിയകളില്‍ ചര്‍ച്ചയാകുന്നത്. ആനിനെ വിവാഹം കഴിക്കാന്‍ ആഗ്രഹിക്കുന്നു എന്ന് ജോമോന്‍ അമ്മയോട് പറഞ്ഞപ്പോള്‍ ‘എത്ര നാളായി തുടങ്ങിയിട്ട്?’ എന്ന് തിരിച്ച് ചോദിച്ചു. അമ്മയുടെ ചോദ്യത്തിന് ‘മൂന്നാഴ്ച’ എന്നായിരുന്നു ജോമോന്റെ മറുപടിയെന്ന് വൈറലാകുന്ന റിപ്പോര്‍ട്ടില്‍ പറയുന്നു. മൂന്നാഴ്ച കൊണ്ടൊക്കെ പ്രേമം ഉണ്ടാകുമോ എന്ന് അമ്മ ചോദിച്ചുവെന്നാണ് റിപ്പോര്‍ട്ടുകള്‍.