മനുഷ്യബോംബായി വിമാനത്താവളത്തിലെത്തുമെന്ന് നെടുമ്പാശ്ശേരി വിമാനത്താവളത്തിൽ ഭീഷണി

കൊച്ചി . മനുഷ്യബോംബായി വിമാനത്താവളത്തിലെത്തുമെന്ന് നെടുമ്പാശ്ശേരി വിമാനത്താവളത്തിൽ വീണ്ടും ഭീഷണി. മനുഷ്യബോംബായി വിമാനത്താവളത്തിലെ ത്തുമെന്നാണ് ഭീഷണി സന്ദേശത്തിൽ പറഞ്ഞിരിക്കുന്നത്. കഴിഞ്ഞ ദിവസവും വിമാനത്താവളത്തിൽ ബോംബ് വെച്ചതായി ഭീഷണി സന്ദേശം കിട്ടിയിരുന്നു.

ഞായറാഴ്ച സുരക്ഷാ വിഭാഗത്തിന് ഭീഷണി സന്ദേശം എത്തിയ അതേ ഇമെയിലിൽ നിന്ന് തന്നെയാണ് തിങ്കളാഴ്ചയും സന്ദേശം എത്തിയിരിക്കുന്നത്. 10 ബിറ്റ് കോയിനുകൾ എത്രയും വേഗം ലഭിക്കണമെന്നാണ് ഇമെയിൽ സന്ദേശത്തിൽ പറഞ്ഞിരിക്കുന്ന ആവശ്യം. ഇമെയിലിന്റെ ഉറവിടം ഇത് വരെ കണ്ടെത്തിയിട്ടില്ല.

അതേസമയം ഞായറാഴ്ച വൈകിട്ട് 3.30യോടെയാണ് നേരത്തെ നെടുമ്പാശ്ശേരി വിമാനത്താവളത്തിൽ അജ്ഞാതന്റെ ബോംബ് ഭീഷണി ഉണ്ടാവുന്നത്. വിമാനത്താവളത്തിലെ സുരക്ഷാ വിഭാഗത്തിന്റെ ഇമെയിലിലാണ് ഭീഷണി സന്ദേശം എത്തുന്നത്. ഇമെയിൽ ശ്രദ്ധയിൽപ്പെട്ടതോടെ വിമാനത്താവളത്തിൽ പരിശോധന നടത്തി. ഇമെയിലിലെ ഭീഷണിയെ സാധൂകരിക്കുന്ന ഒന്നും സുരക്ഷാ പരിശോധനയിൽ കണ്ടെത്തുകയുണ്ടായില്ല. ഭീഷണി സന്ദേശമയച്ച ഇമെയിൽ ഐഡി വ്യാജമാണെന്നാണ് കണ്ടെത്തിയിട്ടുള്ളത്.