സമുദായം ജീവിക്കാൻ അനുവദിക്കുന്നില്ല; അൻസാരിക്കും കുടുംബത്തിനും ഊരുവിലക്ക്

പത്തനംതിട്ട: സ്വന്തം സമുദായത്തിന്റെ ആക്രമണത്തിൽ ജീവിതം വഴിമുട്ടിയ അവസ്ഥയിലാണ് പത്തനംതിട്ടയിലെ കോട്ടാങ്ങൽ സ്വദേശിയായ അൻസാരി. തന്റെ രാഷ്രീയ നിലപാടുകളിൽ എതിർപ്പുള്ള മുസ്‌ലീം സമുദായം തന്നെയും കുടുംബ ത്തേയും ഒറ്റപ്പെടുത്തുകയും നിരന്തരം ഉപദ്രവിക്കുകയുമാണ്. സമുദായം ഒരുക്കിയ ഊരുവിലക്കിൽ മനംനൊന്ത് അൻസാരി കർമ്മ ന്യൂസിനോട് താൻ അനുഭവിക്കുന്ന യാതനകൾ പങ്കുവെച്ചു. അൻസാരിയും കുടുംബവും അനുഭവിക്കുന്ന ദുരനുഭവങ്ങൾ മുൻപ് കർമ്മ ന്യൂസ് പുറത്തുവിട്ടിരുന്നു.

കർമ്മ ന്യൂസ് അൻസാരിയുടെ വാർത്ത പുറത്തു കൊണ്ട് വന്നതോടെ മുസ്‌ലീം ലീഗ് ജില്ല കമ്മറ്റി അംഗങ്ങളായ ഹുനീസ്, കെ ഇ അബ്ദുറഹ്മാൻ തുടങ്ങിയ പ്രവർത്തകർ ചോദിക്കുന്നത്, തന്നെ ഊരുവിലക്കിയതിന് തെളിവുണ്ടോ എന്നാണെന്ന് അൻസാരി പറയുന്നു. പള്ളിയിലെ മുസ്‌ലിയാർ തന്നെ പന്നിയുടെ മോനെ എന്ന് വിളിച്ചെന്നും അൻസാരി പറയുന്നു. മദ്രസയിൽ പോകുന്നതിൽ നിന്ന് അൻസാരിയുടെ മകളെയും വിലക്കി. ഒരു റേഷൻ കാർഡിന് അപേക്ഷിച്ചിട്ടു പോലും അത് ലഭിക്കുന്നില്ല. തന്നെ ഏതെല്ലാം രീതിയിൽ ബുദ്ധിമുട്ടിക്കാമോ അതെല്ലാം സമുദായം ചെയ്യുന്നുണ്ട്.

ഭാര്യയും രണ്ടു കുട്ടികളുമുള്ള അൻസാരി എന്ന 46 കാരൻ രാജ്യത്ത് നിരോധിക്കപ്പെട്ട സംഘടനയായ പോപ്പുലർ ഫ്രണ്ടിന്റെ മത തീവ്ര വാദികളുടെ വധ ഭീക്ഷണിയിലാണ് ഇപ്പോൾ . അൻസാരി പി എഫ് ഐ യുടെ ഭീക്ഷണിയിലാണ്. അവരെത്തി തന്നെ കൊലചെയ്യുമോ എന്ന് അൻസാരി ഭയപ്പെടുന്നു. വിവാഹങ്ങൾക്കോ, മരണാന്തര ചടങ്ങുകൾക്കോ അൻസാരിയും കുടുംബവും പങ്കെടുക്കാൻ പാടില്ലെന്ന് മാത്രമല്ല, വേദ പഠന ക്ലാസ്സിൽ കുട്ടികളെ പരാജയപ്പെടുത്തി പകവീട്ടുക വരെ ഇതിനകം ചെയ്തു കഴിഞ്ഞു.

തന്നെ നിരവധി കള്ളക്കേസിൽ കുടുക്കി. ജയിലിൽ അടയ്ക്കുകയും ചെയ്തു. മജിസ്‌ട്രേറ്റ് ഉൾപ്പടെ ഇതിന് കൂട്ട് നിന്നതായി അൻസാരി പറയുന്നു. തനിക്കും കുടുംബത്തിനും എതിരെ ഇത്രയേറെ ആക്രമണങ്ങൾ ഉണ്ടായിട്ടും അൻസാരി ഇന്നും അതേ സ്ഥലത്ത് തന്നെ തുടരുകയാണ്. തന്റെ സ്വന്തം സമുദായത്തെ എതിർത്ത് നിന്ന് കൊണ്ടാണ് അൻസാരി മുന്നോട്ട് പോകുന്നത്. എന്നാൽ ഈ മനുഷ്യനെ എങ്ങനെയെല്ലാം ദ്രോഹിക്കാമെന്ന തയ്യാറെടുപ്പിലാണ് സമുദായ നേതാക്കൾ.