ഡാർക്ക് ​ഗ്രീൻ വേഷത്തിൽ ആന്റണി വർ​ഗീസ്, മനസമ്മത ചിത്രങ്ങൾ വൈറൽ

മലയാളികളുടെ പ്രിയപ്പെട്ട നടനാണ് ആന്റണി വർഗീസ്. അങ്കമാലി ഡയറീസ് എന്ന ഒറ്റ ചിത്രത്തിലൂടെ തന്നെ മലയാളികളുടെ ഉള്ളിൽ കടന്നുകൂടിയ താരം. മൂന്നേ മൂന്ന് ചിത്രങ്ങൾ മാത്രമേ ആന്റണി വർഗീസിന്റേതായി പുറത്ത് എത്തിയിട്ടുള്ളു. എന്നാൽ യുവതാരങ്ങൾക്ക് ഇടയിൽ ഏറെ ശ്രദ്ധേയനാണ് അദ്ദേഹം. സോഷ്യൽ മീഡിയകളിലും ഏറെ സജീവമാണ് നടൻ. താരത്തിന്റെ പോസ്റ്റുകൾ എല്ലാം തന്നെ വളരെ പെട്ടെന്ന് വൈറൽ ആകാറുമുണ്ട്. കഴിഞ്ഞ ദിവസമാണ് ആന്റണി വിവാഹിതനാകാൻ പോകുന്ന കാര്യം പ്രേക്ഷകർ അറിഞ്ഞത്

ഹൽദി ചിത്രങ്ങളും വീഡിയോയും വൈറലായതിന് പിന്നാലെ ഇപ്പോൾ മനസ്സമ്മത ചിത്രങ്ങൾ സോഷ്യൽമീഡിയയിൽ എത്തിയിരിക്കുകയാണ്. പീച്ച് നിറത്തിലുള്ള വസ്ത്രമാണ് അനീഷയണിഞ്ഞിരിക്കുന്നത്, ഡാർക് ഗ്രീൻ ആണ് പെപ്പെയുടെ മനസ്സമതവേഷം.സ്‌കൂൾകാലം മുതലേ അറിയാവുന്നവരായ ആൻറണിയും അനീഷയും ഏറെനാളായി പ്രണയത്തിലായിരുന്നു. അയ‍ർലൻഡിൽ നഴ്സാണ് അനീഷ. അനീഷയുടെ വീട്ടിലെ ഹൽദി ആഘോഷ ചിത്രങ്ങൾ കഴിഞ്ഞ ദിവസം സോഷ്യൽമീഡിയയിൽ ശ്രദ്ധ നേടിയിരുന്നു. ഓഗസ്റ്റ് എട്ടിനാണ് വിവാഹചടങ്ങുകൾ നടക്കുന്നത്.

ആന്റണിയുടേതായി പുറത്തെത്താനുള്ള പുതിയ ചിത്രം അജഗജാന്തരമാണ്. അങ്കമാലി ഡയറീസ് ടീം വീണ്ടുമൊന്നിച്ച ചിത്രമാണ് അജഗജാന്തരം. കിച്ചു ടെല്ലസ്, വിനീത് വിശ്വം എന്നിവരുടെ തിരക്കഥയ്ക്ക് ടിനു പാപ്പച്ചനാണ് സിനിമ സംവിധാനം ചെയ്തിരിക്കുന്നത്. ആന്റണിക്കൊപ്പം ചെമ്പൻ വിനോദ് ജോസ്, അർജുൻ അശോകൻ, കിച്ചു ടെല്ലസ്, സുധി കോപ്പ, സാബുമോൻ ഉൾപ്പെടെയുളളവരും സുപ്രധാന വേഷത്തിൽ എത്തിയിട്ടുണ്ട്.