പ്ലസ് ടു വിന് പഠിക്കുമ്പോഴാണ് വിഷ്ണു ചേട്ടൻ എന്നോട് ഇഷ്ടമാണെന്ന് പറയുന്നത്, അനു സിത്താര

മലയാളികളുടെ പ്രിയപ്പെട്ട നടിയാണ് അനു സിത്താര. ശാലീന സൗന്ദര്യം കൊണ്ട് വളരെ ചുരുങ്ങിയ കാലം കൊണ്ട് നിരവധി ആരാധകരെ സമ്പാദിക്കാനും നടിക്കായി. കുഞ്ചാക്കോ ബോബൻ, ജയസൂര്യ, ഉണ്ണി മുകുന്ദൻ തുടങ്ങിയ ചുള്ളൻ നായകന്മാരോടൊപ്പം താരം ഇതിനോടകം അഭിനയിച്ചു കഴിഞ്ഞു. വിവാഹിതയായ ശേഷമാണ് അഭിനയത്തിലേക്ക് കടന്നുവരുന്നത്. ഫാഷൻ ഫോട്ടോഗ്രാഫറായ വിഷ്ണുവിനെ 2015 ൽ ആണ് അനുസിത്താര പ്രണയിച്ച് വിവാഹം കഴിച്ചത്.

ഫുക്രി, രാമന്റെ ഏദൻ തോട്ടം, അച്ചായൻസ് എന്നീ ചിത്രങ്ങളിലൂടെ മലയാളത്തിലെ മുൻനിര നായികാ പദവിയിൽ താരമെത്തി. പൊട്ടാസ് ബോംബ്’ എന്ന ചിത്രത്തിലൂടെ വെള്ളിത്തിരയിലേക്ക് ചേക്കേറിയത്.അഭിനയത്തോടൊപ്പം നൃത്തവും പാഷനായി പോലെ കൊണ്ട് നടക്കുകയാണ് താരം. താരജാഡകൾ ഒന്നും കാണിക്കാത്ത താരമെന്നതിനാൽ പ്രേക്ഷകർക്ക് അനുവിനെ വലിയ ഇഷ്ടവുമാണ്.

ഇപ്പോളിതാ പ്രണയത്തെക്കുറിച്ച് വ്യക്തമാക്കുകയാണ് താരം, വാക്കുകൾ, ഞങ്ങളുടെ വിവാഹം കഴിഞ്ഞിട്ട് ആറ് വർഷം കഴിഞ്ഞു. വിവാഹശേഷം സ്വാഭാവികമായും മാറ്റങ്ങൾ ഒരുപാട് വന്നിട്ടുണ്ടാകും. കല്യാണം കഴിഞ്ഞാൽ കുറച്ച് കൂടി മെച്ച്വേർഡ് ആകും. നമ്മൾ വീട്ടിലെ കാര്യങ്ങൾ ശ്രദ്ധിക്കാൻ തുടങ്ങും. മുൻപേ നമുക്ക് കാര്യങ്ങൾ പറഞ്ഞ് തരാനും കാര്യങ്ങൾ നോക്കാനും അച്ഛനും അമ്മയും ഉണ്ട്. ഇപ്പോൾ അങ്ങനെയല്ലല്ലോ. നമ്മൾ തന്നെ എല്ലാ കാര്യങ്ങളും ശ്രദ്ധിക്കണം. അങ്ങനെ കുറേ കാര്യങ്ങൾ പഠിക്കാൻ സാധിച്ചു. വിഷ്ണുവേട്ടൻ നല്ലൊരു ഫോട്ടോഗ്രാഫർ കൂടിയാണ്. എന്റെ ഫോട്ടോസും ഏട്ടൻ തന്നെയാണ് എടുക്കുന്നത്.

പ്ലസ് ടു വിന് പഠിക്കുമ്പോഴാണ് വിഷ്ണു ചേട്ടൻ എന്നോട് ഇഷ്ടമാണെന്ന് പറയുന്നത്. തിരിച്ച് ഇഷ്ടമാണെന്ന് പറഞ്ഞത് ഡിഗ്രി ഫൈനൽ ഇയറിൽ എത്തിയപ്പോഴാണ്. ഫൈനൽ ഇയർ കഴിയാറായപ്പോഴേക്കും ഞങ്ങളുടെ കല്യാണവും കഴിഞ്ഞു. എന്റെ ഫസ്റ്റ് മൂവി, ഞാൻ പ്ലസ് വണ്ണിന് പഠിക്കുമ്പോൾ ചെയ്തതാണ്. ചെറിയൊരു സിനിമയായിരുന്നു. അതിന് ശേഷം ഒരു ഇന്ത്യൻ പ്രണയകഥ ചെയ്തു. ശേഷം അനാർക്കലി, ഹാപ്പി വെഡ്ഡിങ് ആണ് കല്യാണം കഴിഞ്ഞതിന് ശേഷമുള്ള ആദ്യത്തെ ചിത്രം.