ഇല്ല അല്ലെങ്കിൽ വേണ്ട എന്നു പറയാൻ പഠിച്ചത് കോവിഡുകാലത്താണ്- അനുമോൾ

കൊവിഡിന്റെ പ്രതിസന്ധി ഒന്ന് മാറി ആളുകളിലേക്ക് അടുത്തിടപഴകാനും സ്‌നേഹം പങ്കുവെക്കാനും താനും കാത്തിരിക്കുകയാണെന്ന് പ്രേക്ഷകരുടെ പ്രീയപ്പെട്ട താരം അനുമോൾ. അനുമോളുടെ വാക്കകളിങ്ങനെ, എല്ലാ കാര്യങ്ങളിലും പരമാവധി യെസ് പറയുക എന്നതായിരുന്നു അത്. നേരത്തെ ഞാൻ എന്തിനോടും നോ പറയുന്ന സ്വഭാവക്കാരി ആയിരുന്നു. ഇല്ല എന്ന് പറയാൻ അല്ലെങ്കിൽ വേണ്ട എന്ന് പറയാൻ കാരണങ്ങൾ അന്വേഷിച്ച്‌ നടക്കുമായിരുന്നു. എന്നാൽ ഒരു മുന്ന് നാല് മാസം വെറുതേ ഇരുന്നതോട് കൂടി ഞാൻ യെസ് പറയാൻ പഠിച്ചു

നേരത്തെ എനിക്കൊരു റസ്റ്റുമില്ല, ഇത് ശരിയാവില്ല, അത് ശരിയാവില്ല എന്നൊക്കെ വീട്ടിൽ ഞാൻ എപ്പോഴും പറയുമായിരുന്നു. എന്നാൽ ഇനി ജീവിതത്തിൽ ഒരിക്കലും റസ്റ്റ് കിട്ടിയില്ല എന്ന പരാതി ഞാൻ ഇനി പറയില്ല. ലോക്ഡൗണിൽ സംഭവിച്ച ഗുണം യൂട്യൂബിന് നല്ല പ്രതികരണം ലഭിച്ചു എന്നതാണ്. വീട്ടിൽ തന്നെയാണ് കൂടുതൽ സമയവും ചിലവഴിച്ചത്. നാട്ടിൻ പുറത്തെ കാഴ്ചകളും അവിടുത്തെ വിശേഷങ്ങളുമൊക്കെ അറിയാൻ ആളുകൾക്ക് ഒത്തിരി താൽപര്യമായി. ഞാറ് നടന്നതും അമ്പലങ്ങളിലും കാവുകളിലും പോവുന്നതുമെല്ലാം ചാനലിൽ ഉൾപ്പെടുത്തി. അങ്ങനെയാണ് തന്റെ യൂട്യൂബ് ചാനലിന് കാഴ്ചക്കാർ കൂടിയത്.

ഇവൻ മേഘരൂപൻ, വെടിവഴിപാട്, അകം, റോക്സ്റ്റാർ തുടങ്ങിയ ചിത്രങ്ങളിൽ ശ്രദ്ധേയമായ കഥാപാത്രങ്ങൾ അനുമോൾ അവതരിപ്പിച്ചിട്ടുണ്ട്. സോഷ്യൽ മീഡിയകളിലും സജീവമാണ് നടി. പുതിയ ചിത്രങ്ങളും വിശേഷങ്ങളും ഒക്കെ പങ്കുവെച്ച് നടി സോഷ്യൽ മീഡിയകളിൽ നിറഞ്ഞ് നിൽക്കുകയാണ്. തന്റേതായ അഭിപ്രായങ്ങൾ പലപ്പോഴും തുറന്ന് പറയുന്നതിൽ മടിയും നടി കാണിക്കാറില്ല.