വാനമ്പാടി സീരിയലിൽ സായി അങ്കിൾ ശരിക്കും അച്ഛനെ പോലെ തന്നെയായിരുന്നു- അനുമോൾ

സീരിയൽ ആരാധകരുടെ ശ്രദ്ധയും ഇഷ്ടവും പിടിച്ചുപറ്റിയ കൊച്ചു കലാകാരിയാണ് അനുമോൾ. ‘വാനമ്പാടി’ എന്നപരമ്പരയിലൂടെയാണ് അനുമോൾ പ്രേക്ഷകരുടെ ഇഷ്ടതാരമായി മാറിയത്. രണ്ട് ഗെറ്റപ്പുകളിൽ അനുമോനും അനുമോളും ഒക്കെയായി വന്നു മിന്നുന്ന പ്രകടനം കാഴ്ചവച്ച ഈ ബാലതാരത്തിന്റെ യഥാർത്ഥ പേര് ഗൗരി കൃഷ്ണ എന്നാണ്. സീരിയലിൽ നന്നായി സംഗീത വാസനയുള്ള കഥാപാത്രമായി എത്തിയ ഗൗരി യഥാർത്ഥ ജീവിതത്തിലും നന്നായി പാടുന്ന കുട്ടിയാണ്. മൂന്നാം ക്ലാസ്സിൽ പഠിക്കുമ്പോൾ തന്നെ സംസ്ഥാന നാടക പുരസ്‌കാരം നേടിയ മിടുക്കിയാണ് ഗൗരി.

ഇപ്പോൾ അനു ജോസഫിന്റെ യൂട്യബ് ചാനലിന് നൽകിയ അഭിമുഖത്തിൽ അഭിനയത്തിൽ പറഞ്ഞ വാക്കുകളാണ് ശ്രദ്ധ നേടുന്നത്, അഭിനയത്തെക്കാളും തനിയ്ക്ക് സംഗീതത്തിൽ എന്തെങ്കിലും ആവാനാണ് ആഗ്രഹം. അതുകൊണ്ടാണ് അഭിനയത്തിൽ നിന്നും വിട്ടു നിൽക്കുന്നത്. മാത്രമല്ല ഞാനിപ്പോൾ പത്താം ക്ലാസിലാണ്. പഠനത്തിന് വേണ്ടി ഒരു ബ്രേക്ക് വേണം. സീരിയലുകൾ ചെയ്യുമ്പോൾ സമയം കിട്ടില്ല. സിനിമ വന്നാൽ ചെയ്യാൻ തയ്യാറാണ്.

എനിക്ക് മൂന്ന് വയസ്സുള്ളപ്പോഴാണ് അച്ഛൻ മരിച്ചത്. ഇപ്പോഴും അച്ഛനെ കുറിച്ച് ആരെങ്കിലും എന്തെങ്കിലും പറയുകയോ, അച്ഛനെ കുറിച്ചുള്ള പാട്ടുകൾ കേൾക്കുകയോ ചെയ്യുമ്പൾ സങ്കടം വരും. വാനമ്പാടി സീരിയലിൽ സായി അങ്കിൾ ശരിക്കും അച്ഛനെ പോലെ തന്നെയായിരുന്നു. അച്ഛനെ ഓർത്ത് കരയേണ്ട രംഗങ്ങളിൽ ഞാൻ എന്റെ സ്വന്തം അച്ഛനെ കുറിച്ചോർത്ത് കരഞ്ഞിട്ടുണ്ട്. എല്ലാവരും കരുതിയത് അഭിനയമാണെന്നാണ്, പക്ഷെ എന്നോട് ശരിക്കും കരഞ്ഞ് പോയതാണ്-